Tele-Postip allakkanik nassiussinermmut aki qaffappaa

Nunatsinni allakkanik aamma Europamut nassiussineq akisunerulissaaq.

Tele-Postip allakkanut nalinginnaasunut aki qaffappaa, ingerlatseqatigiiffik tusagassiuutinut nalunaarummi taama ilisimatitsivoq.

Allagaq A 20 grami ataallugu oqimaassusilik nunatta iluani nassiunneqartussaq assersuutigalugu 14 koruuninit 15 koruuninut akeqalissaaq. Allakkap taassuma assinga Europamut nassiunneqartussaq 16 koruuninit 17 koruuninut qaffanneqassaaq.

Nassuiaat

Akit allanngorneri ullumikkumit atuutilereerput.

- Siornatigumut naleqqiullugu allakkanik ikinnerusunik nassussisarpugut, taamaattumik aningaasartuutitta matussuserniarnerat ajornakusoorpoq. Aaqqiissutissaq annikitsoq tassaavoq allakkanik nassiussinermi akinik allanngortitsineq, atuisunut allakkerinermullu pisortaq Per Svendsen oqarpoq.

Tele-Post akit allattorsimaffianut uunga innersuussivoq.

Powered by Labrador CMS