Tele-Post: Immap naqqatigut kabelip ajoquserneranut kilisaat pisuuvoq
Sisimiut kujataani kilisaatip immap naqqatigut kabeli ajoquserpaa, Tele-Post eqqartuussissuserisumik suliamut suliakkiisimasoq taama isumaqarpoq.
Immap naqqatigut kabelip ajoquserneqarnera Sisimiunit Upernavik tikillugu internetip sukkassusaanik ilungersunartumik kinguneqartitsivoq.
Immap naqqatigut kabelimik, immap assingani nalunaarsorneqarsimasumik kittoraanermik suliaq ilungersunartuusoq, Kristian Reinert Davidsen, Tele-Postimi pisortaq oqarpoq.
Umiarsuaatileqatigiiffik sorleq pineqarnersoq Tele-Postip ilisimatitsissutiginianngilaa, suliap ingerlanera pissutigalugu, politiinullu aamma nalunaarutigineqarsimanani. Kisianni immap naqqatigut kabeli ajoqusersimagaanni, umiarsuaatileqatigiiffiit taarsiinissamut pisussaaffeqartut oqaatigineqarpoq.
Umiarsuaq kabelilik aggertoq
Kujataani immap naqqatigut kabeli decembarimi aamma ajoquserneqarpoq, kisianni taanna qanoq pisimanersoq telep suli nassuiaatissaqartinngilaa. Ajoqusernera internetimik atuisunut ajornartorsiortitsivallaanngilaq, Tele-Postip internetimut atassuteqaat allamut nuutsiinnarsinnaammagu.
Sisimiunit 30 kilometerinik ungasissuseqartumi umiarsarmik ajoqusersimanermik iluarsaassisussamik suliarinnittussamik, Tele-Post iluatsitsisimavoq. Februaarip 25-anni umiarsuup Nuummut tikinnissaa naatsorsuutigineqartoq, KNR ilisimatitsivoq, tamatuma kingorna iluarsaassiartorluni avannamukassaaq.