Tele-Postimi tillinniartoqarsimasoq: Tillinniat iPhonesinik tillissimapput

Nuummi Tele-Postip pisiniarfiani igalaaq ataaseq tallimanngormat ullaassakkut aserorneqarsimavoq.

Tele-Postip Nuup qeqqani pisiniarfiutaa tallimanngormat ullaassakkut tillinniarfigineqarsimavoq.

Politiit ilisimatitsissutigaat, pisiniarfimmi kalerrisaarut nalunaaqutaq 04.14 aallartissimasoq, maannamullu misissuigallarnerit takutikkaat, igalaaq ataaseq vinkelsliberi atorlugu ammarneqarsimavoq.

Pigaartut pisortaata Preben Kleistip oqaluttuaraa, tillinniat iPhonesinik annissisimasut. Politiilli suut tillinneqarsimanersut pillugit erseqqinnerusumik naatsorsuisoqarnera suli utaqqimaarnerarpaat:

- Tele-Postimi suut tillinneqarsimanersut allattorneqaleruttorput, Preben Kleist oqarpoq.

Politiit tallimanngornermi nalunaaquttap 04.14-ip missaani tillinniartunik takunnissimasinnaasunik ujaasipput.

Tele-Postimit Sermitsiaq.AG-mut ilisimatitsissutigineqarpoq, pisiniarfik ullumi aqqanermut ammarneqassasoq - nalinginnaasumik ammartarneranit en tiimimik kingusinnerusukkut, igalaamerngit aseqqukut allallut aserorneqarsimasut piiarneqaqqaatussaammata.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS