Tele-Postimi pisortaq nutaaq kinaanersoq ilisaritinneqartoq

RAL-imi pisortaasimasoq maannakkullu KNI A/S-ip siulersuisuini siulittaasoq Lars Borris Pedersen Tele-Postip immikkoortortartaavani pisortanngortinneqarpoq: digitaliusumik niuerneq logistikkilu.

Digitaliseeriineq Tele-Postimut nutaanik piumasaqaatitaqartitsilerpoq, tassani Tele-Postip allakkatigut niueruteqartarnini allanngortillugu immikkoortortamik nutaamik pilersitsisimavoq, ilaatigut internetsikkut pisiniartoqarneruleriartornerata malitsigisaanik poortukkanik isumaginnittarneq pitsanngorsaaffiginiarlugu.

Pisortap nutaap piginnaasamigut naleqqulluartuunera TELE-POST-imi pisortaanerup Kristian Reinert Davidsenip nuannaarutigaa. Pisortaq nutaaq Nunatsinni inuiaqatigiinnik ilisimaarinnilluartuuvoq, arlalinnik oqaaseqartuulluni, ukiuni arlaqartuni pisortatut misilittagaqarluni kiisalu Nunatta digitaliusumik ineriartorneranut TELE-POST-ip siuttuunissaa qulakkeerniarlugu suliaqarfiup nutaap allanngoriartorneranut aqutsilluarsinnaalluni, Namminersorlutik Oqartussat ingerlatseqatigiiffiutaanit tusagassiorfinnut nalunaaruteqarnermi oqaatigineqarpoq.

Qilanaartoq

Lars Borris Pedersen atorfimmini nutaami septembarip aallaqqaataani aallartittussaq oqarpoq:

- Ukiuni digitalinngoriartorfiusuni allakkerinermik nutaanngorsaanissamut siuttuussaanga. TELE-POST-imi suleqatigiit nukittuut logistikkilerinermik aallussilluartut siunissami internettikkut niuernerulernissamik periarfissanillu nutaanik pilersitsinissamut qulakkeerinnittussat suleqatigilernissaat nuannaarutigaara.

Lars Borris Pedersen Royal Arctic Linemi var Lars Borris Pedersen CCO, Chief Commercial Officeritut atorfeqarpoq, tassani sullitanik kiffartuussineq, inniminniisarneq, nassiussalerineq, Key Account Management tuniniaasarnerlu ingerlanneqartarluni.

Ukiorpassuarni allakkerinermi pisortaasimasoq Per Svendsen upernaaq suliffiminit tunuarpoq. Ukiuni kingullerni internetsikkut niuertoqarneruleriartornera pissutigalugu allakkat nassiunneqartartut ikilingaatsiarsimapput, akerlianillu poortukkanik nassiussisarnerit amerlingaatsiarsimallutik.

Anguniagaq: Toptunet logistikvirksomhed

Tilbage i maj satte Tele-Post's administrerende direktør Kristian Reinert Davidsen ord på den nye strategi i et interview med Sermitsiaq.AG.

- Poortukkerisarnitta tamarmiusup ilippanaateqarluarnera takusinnaavara. Namminersortulli niuerfiannik ingerlatsilernissaq anguniagaanngilaq. Assartuisarnissamik pisariaqartitsineq annertoorujuummat tamatta poortukkanik nassiussuisinnaavugut. Aap kaagi avitassarput alliartuinnarpoq, tassungalu atatillugu pingaaruteqarpoq uagut allakkerisutut suliassamik isumaginnissinnaanerput aamma pitsaalluinnartumik pilersaarusiorsinnaanerput.

Aamma atuaruk: Pisortaaneq: Allakkerisarneq allanngortinneqassaaq

Powered by Labrador CMS