Skip to main content

Tele-Post: Imaatigut nutaanik kabeliliisoqassaaq

Tele-Post periusissiamik nutaamik ukiuni sisamani atuuttussamik suliaqarluni aallartissimavoq, tassa ilaatigut Kalaallit Nunaanni inuiaqatigiinnut isumannaatsumik pilersuineq annertusiniarlugu imaatigut kabelinik nutaanik sumi inissiisoqarsinnaanersoq misissorneqassaaq.

Tele-Post ukiuni tulliuttuni sisamani milliardilikkaanik aningaasaliissuteqarniarpoq, ilaatigut Kalaallit Nunaata nalunaarasuartaatitigut ajutoornikkut avammut matunnginnissaa qulakkeerniarlugu.

Isumannaatsumik pilersuineq annertusiniarlugu, telekkut attaveqaatit tamarmiusut misissorneqartariaqarlutillu attaveqaatinik nutaanik pilersitsisoqartariaqarpoq, assersuutigalugu imaatigut kabelip kipineqarneratigut Kalaallit Nunaannit avammut attaveqartarnerup matunnnginnissaa anguniarlugu. Tassa imaappoq, attaveqaatip aappaa arlaannik pissuteqartumik atorsinnaajunnaassagaluarpat, aappaanut nuutsitsisarnissaq matumani siunertarineqarpoq.

Isumannaatsumik pilersuineq

- Isumannaatsumik pilersuisoqarnissaa pingaaruteqarluinnarpoq. Attaveeruttoqannginnissaa inuiaqatigiinni pisariaqartinneqaraluttuinnarpoq. Ukiualuit matuma siornatigut takuarput, imaatigut kabelip kittorarneqarnera uagutsinnuinnaanngitsoq, aammali inuiaqatigiinnut qanoq kingunerluuteqartiginersoq. Tamannarpiaavoq pissutaasoq, imaatigut nutaamik sumi kabeliliisinnaanerluta misissuinitsinnut, Tele-Postimi pisortaaneq Kristian Reinert Davidsen Sermitsiaq.AG-mut ilisimatitsivoq.

Imaatigut kabeli kilometerinik hunnorujunik arlalinik takissuseqartoq pineqarpoq, imaatigullu kabelip immap naqqata suatungaanut inississallu pitsaanerpaanersoq misissoqqissaarneqassaaq.

Taarsigassarsinikkut aningaasalerneqassasoq

Tele-Postimi pisortaanerup ilisimatitsissutigaa, en milliard koruuninik aningaasaliissuteqarnissaq ingerlatsinerinnakkut pisinnaanngitsoq

- Taamak annertutigisunik aningaasaliissuteqassagutta taarsigassarsisariaqarpugut. Qanoq annertutigisunik taarsigassarsisinnaassanerluta oqaatigissallugu maannakkut siusippallaarpoq, pisortaaneq ilisimatitsivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER