Tele-Post: Angerlarsimaffinni internet atornerulerpoq
Angerlarsimaffinni internetip atorneqarnerunera Tele-Postimit ulluni makkunani maluginiarneqarpoq. Taassuma malitsigisaanit - tupinnanngitsumik - Nuummi suliffeqarfinni internetip atorneqarnera appariartorpoq.
Illoqarfiit pingaarnersaanni angerlarsimaffinni internetip atorneqarnera sapaatip akunnerani siuliani pingasunngormamiilli 10 procentimik annertunerulerpoq.
Angerlarsimaffinnili internetip atorneqarnerulerneranut, mailerneq, videokkut ataatsimiinneq angerlarsimallunilu atuakkerinerit kisimik pissutaaginnanngillat.
Nuummi angerlarsimaffimmi atuinerulernermut pissutaavoq amerlanerusut internetikkut filminik isiginnaarnerulersimammata.
Tele-Postilli ilanngullugu qularnaveeqquserpaa, atuinerulerneq akornutaanavianngitsoq.
- Attavitta nammassinnaasaat ataavartumik nakkutigaagut, maannamullu takusinnaavarput atuineq nammanneqarluarsinnaasoq. Attaviit qularnaatsuutinnissaanut sapinngisarput tamaat sulivugut, maannami qanilluta attavigiissinnaannginnitsinni attaveqaatit aatsaat taama pingaaruteqartigaat, Tele-Posimi Teknikkimi IT-milu pisortaq Jonas Hasselriis ilisimatitsivoq.
Tele-Postip ilanngullugu takusinnaavaat Naalakkersuisut Nuuk pingasunngormat matummaguli suliffeqarfinni internetimik atuineq annikilliartorsimasoq.
- Corona pissutigalugu ilungersunartorsiornermi attaveqaatit pingaaruteqarluinnarput. Taakkuuppummi nakorsanut nunap iluani digitalimik attaveqartitsisut, tunillaassortoqalinnginniassammallu inuppassuit angerlarsimallutik sulinerminni atorluangassaat, Jonas Hasselriis oqarpoq.
NutaarsiassatDMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...