Skip to main content

Tele-Post sakkortuumik isornartorsiorneqartoq internetimik atuisut sumiginnarnerarlugit

Sisimiut avannaani atuisorpassuit suli kigaatsuararsuarmik interneteqarput. Tele-Postip qulakkeertussaavaa immap naqqatigut kabeli atorsinnaatinnagu internetimik atuisunut annikinnerpaamik kingunerlunnissaa, Combymi pisortaq Brian Torp oqarpoq

Maanna Tele-Post sakkortuumik isornartorsiorneqarpoq ingerlatseqatigiiffiup immap naqqatigut kabeliata kingunerisa ilaasa pinngitsoortinnissaannut iliuuseqanngippallaarnerarlugu, Sermitsiaq allappoq.

Isornartorsiuisuuvoq Brian Torp, Combymi pisortaaneq piginneqataasorlu atuisunut namminersortunut inuussutissarsiortunullu internetimik tuniniaasoq. Aamma Sulisitsisuni it-mut, attaveqaatinut tusagassiuutinullu ataatsimiititaliami siulittaasuuvoq.  

Isumaqarpoq Tele-Post immap naqqatigut kabeli atorsinnaajunnaarsimatillugu internetimik atuisunut kingunerisaasa annikinnerpaatinnissaannik pisussaaffeqartoq atuisullu pitsaanersumik kiffartuullugit.

Iliuuseqartoqartariaqartoq

Maannakkorpiaq Sisimiut avannaani sikoqarpallaarneratigut Canadamit umiarsuaq iluarsaasussaq immap naqqatigut kabelip aserorsimasup sapaatillu akunnerani kingullerni Sisimiut kujataani iluarsaanneqartup iluarsaannissaanut anngussinnaanngilaq.

Kittoraqqissimanera Sisimiut avannaani atuisorpassuit kigaatsuararsuarmik ajortumillu interneteqarnerannik kinguneqarpoq, internetikkummi angallanneq suli Sisimiut Aasiaallu akornanni radiop aqqutaatigoortussaavoq immap naqqatigut kabelip tassani atoqqilernissaanut. 

- Tele-Postip nassuerutigisariaqarpaa immap naqqatigut kabeli kittorarsinnaasoq. Kittorannginnissaanut iliuuseqarsimanerarput. Tamatumani Tele pisussaaffeqalerpoq qulakkiissallugu kittoqartoqaraangat internetimik atuisunut annikinnerpaamik kinguneqarnissaa. Tamatumani Tele-Post aningaasanik atuisariaqarpoq aningaasartuutimmi annertunngillat, Brian Torp isumaqarpoq.

Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiarineqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER