Skip to main content

Tele-Post kiisami pisortaanertaassaaq

Tele-Post qaammatini qulini pisortaaneqanngereersoq inuk naleqquttoq nassaarineqarpoq. Pisortanngortanngortussarli kingusinnerpaamik ukiut nikinneranni atorfittaaminut ikkutissaaq

Tupaallaatigineqartorujussuuvoq taamanikkut Tele-Postimi pisortaaneq Michael Binzer 2014-imi septembarimi nalunaarmat atorfimminit tunuarluni.

Ullualunnguit qaangiuttut paasinarsivoq soraarneranut pissutaasoq taamanikkut siulersuisut siulittaasuannik Agner N. Mark-imik suleqatigiinnermik ajornartorsiuteqarneq.

Maanna Tele-Post nalunaarpoq Michael Binzerip taartissaa nassaarineqarsimasoq. Selskabip pisortaanertaassaa ateqarpoq Kristian Reinert Davidsen, Savalimmiunilu taamatut atorfeqartuuvoq.

– Peqqissaarussilluni suliarinninnerup kingunerisaanik, TELE-POST-ip pisortaanissani misilittagaqarluartoq Savalimmiuneersorlu pissarsiarisimavaa. Tassalu savalimmiormiu Kristian Reinert Davidsen, taannalu 2006-imiilli Føroya Telemi pisortaaneruvoq, Tele-Postimi siulersuit siulittaasuat Stine Bosse tusagassiorfinnut nalunaarutikkut paasissutissiivoq.

Kingusinnerpaamik 1. januar atorfimminut ikkutissaaq

Kristian Reinert Davidsen 48-nik ukioqarpoq, civilingeniøritut ilinniarsimavoq aammalu aaqqissuussaanermut aqutsinermullu HD-mik ilinniagaqarluni. Nalunaarasuartaaserinermik suliaqarfimmi suliuaannarsimavoq. Kristian Reinert Davidsen atorfittaaminut periarfissami siullermi sulilissaaq, kingusinnerpaamik ulloq 1. januar 2016 sulilissalluni, Tele-Post paasissutissiiv oq.

Michael Binzerip soraarnerata kingorna Steen Montgomery-Andersen kingullermillu Søren Lennert Mortensen Tele-Postimi pisortaanerugallartutut atorfeqarsimapput.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER