Skip to main content

Tele-Post-ip akigititani appartippai internettilu sukkanerulersillugu

Suliffeqarfik sinneqartoorujussuaqqippoq. - Pilertornerulissaagut, Tele-Postimi pisortaaneq Michael Binzer oqarpoq

Tele-Post sinneqartoorujussuaqqippoq. 

Akileraarutit suli ilanngaatiginagit 94,3 million koruuninik naatsorsuutitigut angusaqarpoq, 2012-imut sanilliullugu akileraarutit ilanngaatiginagut 103,7 millioninik sinneqartoortoq.

Sinneqartoorneq ukiup siulianit annikinnerulaaraluartoq siulersuisunit angusaq naammagisimaarneqarpoq. 2013-imi naatsorsuutitigut angusat ikinnerulaarnerannut pissutaavoq immap naqqatigut kabelimik iluarsaassinermut aningaasartuutit siumut naatsorsuutigineqarsimanngimmata. 

Tele-Post-ip siunissamut iliuusissatut pilersaarutimini nutaami ‘Sassarta 2014 – 18’-imi pisisartut qitiutinneqarnissaat annertusarniarpaa. Attaveqaatit malunnaateqarluartumik annertusarnissaat, akigitinneqartut appasinnerusut aamma attaveqarneq sukkanerusoq kiisalu sullineq pitsaanerusoq siunissamut iliuusissatut pilersaarummut ilaapput.

Iliuutsit nutaat
Suliffeqarfimmi siulersuisut ‘Sassarta!’-mut atasumik aalajangersaapput iliuusissat arlaqartut aallartinniarlugit, tamatumunnga ilaapput sullittakkanik sullissinermut atortut taarsersorneqarnissaat, immap naqqatigoortup kabelip avannamut ilaneqarnissaanut misissueeqqaarneq aamma radiokædep annertusineqarnissaa, netværkip annertusineqarnissaa sukkanerusunngorlugu, attaveqarfeqarnissamut pitsaanerusumik periarfissiineq aammattaaq arlalitsigut akigitinneqartunik appartitsineq.

Tele-Post-imi siulersuisunut siulittaasoq Agner N. Mark oqaaseqarpoq:

- Uagut Tele-Posti-imi pitsaasumik aningaasaqarnikkut inisisimanissarput ukiuni arlaqalersuni qitiutissimavarput. Tamanna tunngavigalugu siunissamut aningaasaliissuteqarnerit arlaqartut aallartippavut – tamatumunngalu ilutigitillugu akinik appartitsinerit ingerlallugit. Uagut anguniarparput Kalaallit Nunaat tamakkerlugu internetimik atuinerup annertusinissaa.

Pilersaarutit amerlasuut
Siulersuisut roamingimi akit appartinneqartut saniatigut immap naqqatigut kabelimik atuinermi akit annertuumik appartippai, tamatuma kingunerisaanik tamanna maannakkut malitseqartinneqarpoq oqartussaasunut mobilikkut internettip, innuttaasunut ADSL-ip aammattaaq suliffeqarfinnut internettip appartinneqarnissaannik qinnuteqaateqarnermik. Tamatumunnga ilanngunneqassaaq 2014-ip ingerlanerani sukkassutsit annertusineqarnissaannut pilersaaruteqartoqarmat. 

- Nioqqutigisatsinni amerlasuuni akigititavut malunnaateqarluartumik appartereerpavut, maannakkullu tamatumani pilertornerulerpugut tassami uagut qularinngilarput sukkassutsit pitsaanerusut, akigitinneqartut appasinnerusut aamma pitsaanerusumik attaveqarnissamut periarfissaqarnerup uagut nioqqutigisatsinnik atuineq annertusitissagaat. Pitsaanerusumik attaveqarnissamut periarfissat aasap ingerlanerani aamma ukiarneraniinternettimik sukkanersumik atuisinnaaneq pisisartutta misigissavaat, Tele-Post-imi pisortaaneq Michael Binzer oqarpoq. Erseqqinnerusumilli oqaatigineqanngilaq qanoq annertutigisumik akinik appaasoqassanersoq, suut akikinnerulissanersut kiisalu qaqagu aamma akit nutaat atuutilerumaarnersut oqaatigineqanngilaq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER