attaveqatigiinneq
Tele-Post akinik appaaqqissasoq
Nittartakkamik atuineq juunimi akikinnerulissaaq
Maajip aallaqqaataani Tele-Postip mobiltelefoneqarnermut tamarmut akit apparterujussuarpai mobilpakkellu nutaat marluk saqqummiullugit. SMS-inut aamma MMS-inut akit affaannanngorput.
Juunimi Tele-Postip nioqqutaani arlalinni akinik aamma appaasoqaqqissaaq. Tamatumuuna internetimik atuisuunermut akini malunnaatilimmik appaasoqassaaq.
- Mobil-pakket nutaat marluk atuisut pissarsilluarfiusut atuisunit nuannarineqaqaat. Atuisunngornianut 1.000-init amerlanernut tunisaqarpugut, pisiniallu suli takkussuuttuarput. Pingaartumik atuisuuffiit nutaat Mobil Akulleq aamma Mobil Angisooq tunineqarluarput, nioqqutillumi taakkorpiaat takutippaat atuisunit atorneqarluarsinnaanertik, Tele-Postimi Innuttaasunut Kiffarftuussivimmi qullersaq Per Svendsen oqarpoq.