Teknikkikkut ajoquteqartoqarnera ikuallatsitsilersimasoq

Usisaatip Nuummi qullersaqarfissaata apriilip 20-ani ikuallalerneranut kiassaatip teknikkikkut ajoquteqarsimanera pissutaasimavoq. Ikuallattoqarneranik misissuisimasut taamatut inerniliipput.

Pinerluttoqarsimatillugu misissuisartut paasisimavaat, Usisaatip qullersaqarfissaata sapaatip akunnerisa arlallit matuma siornatigu ikuallalerneranut teknikkikkut ajoquteqartoqarnera pissutaasoq, tamannalu politiit takunnissimasunik apersuisimanerannut naapertuuppoq. Politiit tusagassiorfinnut nalunaaruteqarlutik ilisimatitsipput.

Pinerluttoqarsimatillugu misissuisartut misissuinerminni paasisimavaat ikuallatsitsisoqarsimanngitsoq.

- Tallimanngornermi arfininngornermilu apriilip 23-ani 24-anilu pinerluttoqarsimatillugu misissuisartut Rigspolitiineersut ikuallattoqarnerani misissuisartumik Dansk Brand- og Sikringsteknisk Institutimeersumik peqateqarlutik Qeqertani Nuummiittumi qullersaqarfissap ikuallalerneranut pissutaasoq misissorsimavaat, politiit ilisimatitsipput.

Suliaq sillimmasiisarfimmut tunniunneqassasoq

Misissuisimanerit takutippaat, kiassaatip iluani teknikkikkut ajoquteqartoqarnera ikuallatsitsilersimasoq.

Teknikkikkut ajoqut kiassaatip iluani atortunik ikuallariaannarnik ikuallatsitsilersimavoq, tassanngaanniillu inneq siaruaakkiartulersimalluni.

Kalaallit Nunaanni Politiit ikuallatsitsisoqarsimaneranik pasitsaassaqarnissamut tunngavissaqannginnerarput, suliarlu politiit nalunaarusiaat naammassineqarpat sillimmasiisarfimmut ingerlateqqinneqassasoq, politiit ilisimatitsipput.

Illumik piginnittoq sanasorlu kiisalu sillimmasiisarfik suliap killiffia aamma misissuinerit inernerat pillugit ilisimatinneqarsimapput.

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...

Powered by Labrador CMS