Tatiginninnginnermik taasisitsinissamut pinngitsoortitsineq: Henrik Fleischer taaseqataanngilaq

Inatsisartut pingasunngornermi ataatsimiinnerminni oqallinneq kissatsissimalluinnarpoq. Aalisarnermut naalakkersuisoq, Jens Immanuelsen pillugu tatiginninnginnermik taasisitsinissamut pinngitsoortitsinissaq taasissutigineqarmat, Henrik Fleischer taaseqataanngilaq.

Stemningen under Inatsisartutmødet onsdag var trykket. Et mistillidsvotum mod Naalakkersuisoq Jens Immanuelsen blev afværget. Sermitsiaq.AG's fotograf dokumenterede mødet udefra, da pressen ikke er inviteret i salen på grund af covid-19.

Inatsisartut ataatsimiittarfiani pingasunngornermi oqallinneq sakkortulluinnarpoq. Partii Naleqqap tatiginninnginnermut taasisitsisoqarnissaa piumasarereeraalu, piniarnermut, aalisarnermut nunalerinermullu naalakkersuisoq ajalusooqqajarpoq.

Oqallinnermi tunuliaqutarineqartoq tassaavoq piniarneq aallaaniarnerlu pillugit inatsisissatut siunnersuutip aappassaaneerneqarnissaanut ataatsimiititaliap isumaliutissiissummini Jens Immanuelsenip suliami sulisimaneranik sakkortuumik isornartorsiuinera. Henrik Fleischer ataatsimiititaliami siulittaasuuvoq, isumaliutissiissummilu atsioqataasuulluni.

Tatiginninnginnermut taasisitsinissamik pinngitsuuinissaq pillugu taasisitsisoqassasoq, Siumup gruppia saqqummiussivoq.

Tatiginninnginnermut taasisitsisoqassannginnissaanik akuersisut quliupput, akuersinngitsut arfineq-pingasuullutik ataaserlu taaseqataanani.

Siumut sinnerlugu Inatsisartuni ilaasortaq, Henrik Fleischer, taaseqataassanani aalajangerpoq.

- Ataatsimiititaliap sulinera ataqqillugu taaseqataanngilanga, aamma pisinnaatitaaffiikka aallaavigalugit taaseqataanngilanga, Henrik Fleischer Sermitsiaq.AG-mut nassuiaavoq.

- Sooq gruppeqatitit taaseqataaffiginngiligit?

- Ataatsimiititaliap sulinera ataqqillugu taaseqataanngilanga, oqarpoq.

- Sooq akerliullutit taasinngilatit?

- Ataatsimiititaliap allataa pingaarneq tassaavoq, inatsisissatut suliaq pitsaassutsimigut pitsaanngitsutut nalilerneqarmat utertinneqartariaqartoq, ataatsimiititaliap isumaqatigiissutigigaat, tassanilu nutaamik sulineq aallartittariaqartoq. Ataatsimiititaliap sulinera ataqqillugu taaseqataanngilanga, Henrik Fleischer oqarpoq.

Killissat qaangerneqarput

Henrik Flesicherip erseqqissarpaa ataatsimiititaliaq isumaqatigiittoq aalisarnermut naalakkersuisumut, Jens Immanuelsenimut tatiginnikkunnaarnermik taasisitsinissamut piumasaqanngimmat. Ataatsimiititaliami ilaasortat ilaat naalakkersuisumit siorasaarneqarsimasutut misigalutik oqariartorsimagaluartut, taamaattoq ataatsimiititaliap siulittaasua taama misigisaqarsimanngilaq.

- Siorasaarneqartutut misiginikuunngilanga. Aamma taaseqataannginnera tunngavigalugu siorasaarneqarnissara arlaannaatigulluunniit ernummatiginngilara, oqarpoq.

- Atinik taasissanngilanga. Ippassarli oqallinnermi inuit ataasiakkaat killissaminnik qaangiingaatsiarput, Henrik Fleischer oqarpoq.

Sulineq ingerlaqqissaaq

Pingasunngornermi oqallinnermi Hans Enoksen (PN) oqarpoq ataatsimiititaliami ilaasortat ilaat tatigisinnaajunnaarlugit oqariartuuteqarpoq. Nammineq oqarneratut ataatsimiititaliami ilaasortanit, aalisarnermut naalakkersuisumut tatiginnikkunnaarnermik taasisitsinissamik kaammattorneqarsimavoq, taasisoqartussanngormalli ilaasortaqatini pamiuminnik quummiussisutut appisaluuppai.

Ataatsimiititaliami siulittaasoq, Henrik Fleischer, eqqissisaavoq erseqqissaallunilu ataatsimiititaliami sulineq nangeqqissasoq.

- Politikki taamaappoq. Ataatsimiititaliaq sulissaaq, suleqqusaanini toqqanngavigalugu, oqarpoq.

Powered by Labrador CMS