Aleqap atornerluinera

Tatiginninnginneq

IA Aleqa Hammondimut tatiginninnginnermik taasisitsiniarpoq

IA-p siulittaasua Sara Olsvig Sermitsiaq.AG-mut oqarpoq Naalakkersuisunik tatiginninnginnermik taasisitsinissamik saqqummiussiniarluni, Aleqa Hammondip landskarsip aningaasaataanik atornerluisimanera pissutigalugu. Maannakkorpiaq ilimanarpoq amerlanerussuteqartunit tapersersorneqartiq,

Kukkunersiuinermut Ataatsimiititaliami siulittaasoq Kristian Jeremiassen, Siumumeersoq, KNR naapertorlugu oqarpoq Aleqa Hammondip inatsisinik unioqqutitsinera kinguneqassasoq. Suli nalunarpoq partiit allat qanoq isumaqarnersut.

Tamatuma saniatigut Sara Olsvigip Naalakkersuisut landskarsimik kassekredit-itut atuisarnerat oqaluuseritinniarpaa.

Tamanna imaannaanngitsorujussuuvoq, tassa Inatsisartut ataatsimiinerat marlunngorpat aallartissaaq, apeqqutaavorlu tamanna oqaluuserineqarsinnaanersoq Aleqa Hammondip ammaanersiorlluni oqalugiarnissaa sioqqullugu.

Matumani apeqqut pingaarutilik tassaavoq Naalakkersuisut siulittaasuat inatsisinik unioqqutitsisimanersoq, soorlu Kristian Jeremiassen Kukkunersiuinermut Ataatsimiititaliaq tamaat tunuliaqutarlugu oqapajaartoq taamaasiorsimasoq, taamaattumillu Inatsisartuni amerlanerussutaaruteratarsinnaalluuni.

Siumup gruppia maannakkorpiaq ataatsimiippoq.

Aleqa Hammond nal. 18.30 tusagassiortunik katersortitsiniarpoq.

Powered by Labrador CMS