Skip to main content

Tassunga killeqarpoq: Maqiterivimmi ulloq alianartoq

Nuuk Imiup maqiteriviani puiaasat immiaaqqat sodavandillu assartuivimmi båndimi aviluarpalunneri tusarsaajunnaassapput. Maqiterineq naggataaq sisamanngornermi ingerlanneqarpoq.

Nuuk Imermi erfalasoq tallimanngornermi amuneqarpoq. Ukiuni qulikkaani nioqqutissiortoqareersorlu sodavandit kingulliit maqinneqarneri eqqarsaatigalugit tamanna eqqumiiginarsinnaavoq, kisianni decembarip aallartinnerani sulisut akornanni ataasiakkaat nalliuttorsiutigineqarput. Suliffeqarfissuaq piffissami matungajalerpoq.

- Aliasunnarpoq. Ukiut taama amerlatigisut ingerlareersullu immiaaqqanik sodavandinillu maqitsisoqaqqissanngitsoq paasillugu alianarpoq, pisortaq Bernhardt Christensen, Sermitsiaq.AG-mut oqaluttuarpoq.

Sulisunit aalajangersimasuusunit 45-sunit 24-t qaammatini tullerni maqiterivimmik atorunnaarsikkiartuisussaapput, sulisulli ilai mittarfinnik ingerlatseqatigiiffimmi Kalaallit Airportsimi suliffittaarsimammata aamma nuannaarutigaa.

Puukunik utertitsinissamut ulloq kingulleq

- Puukut ilaatigut niuertarfinniit utertinneqartut suli suliarisartussaavagut, ukioq nutaami maqiterivimmik isaterisussaq, pisortaq oqaluttuarpoq.

Naalakkersuisut novembarip 16-ani ataatsimiinnerini politikerit aalajangerput "niuertarfiit Nuuk Imermiit imeruersaatit puuinik imaqanngitsunik ullormit tunisiffissamit kingullermiit qaammatit pingasut tikillugit, kisiannili kingusinnerpaamik 31. august 2024 tikillugu atuisuniit tigusinissamut pisussaaffilerneqarnissaat akuerineqassasoq", Naalakkersuisut imaqarniliaanniit atuarneqarsinnaavoq.

Nuuk Imiup Nunalerinermut, Imminut Pilersornermut, Nukissiuutinut Avatangiisinullu Naalakkersuisoqarfik peqatigalugu aasap ingerlanerani aamma paasisitsiniaanermik suliaqarniarlutik pilersaaruteqarput. Innuttaasut paasitinneqassapput puukunik utertitsinissamut ulloq kingulleq tassaasoq augustip 31-at.

Nuummi innuttaasunik nutaanik tikilluaqqusineq

Kommuneqarfik Sermersuumit Nuummi innuttaasut nutaat tamarmik tikilluaqqusinissamut qaaqqusaapput, tassani Nuuk ilisimasaqarfiginerulernissaanut periarfissaqarputit.

...

Imminut toqunnissamik pitsaaliuineq pillugu Nuummi oqaluagiartoqarnera iluatsilluartoq

Ulloq februaarip 11-anni imminut toqunnissamik pitsaaliuineq qitiutillugu paasisitsiniaalluni Nuummi Katersortarfimmi oqalugiartoqarmat, inuit 100-t tungaannut takkupput.

...
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER