Tassaarsuaq ima annertutigisumik qarsutsisinnaavoq
Qaqqap annertuup sisunerani malerujussuarnik pilersitsisoqarnissaa norskit immikkut ilisimasallit GEUS-illu misissuinerisa takutippaat.
Karrat Kangerluanni qaqqap ilaa sisuussagaluarpat, soorlu 2017-imi taamaasisoq, taava Nuugaatsiaq siullersaajulluni qarsunneqassaaq, tassa minutsit arfineq-marluk qaangiunnerini malerujussuarnit qarsunneqassagami. Illorsuit minutsit 13-it qaangiunnerini tassaarsuarmit eqqugaanissaa naatsorsuutigineqarpoq.
Nuugaatsiaq, Illorsuit aamma Niaqornat tamakkerlugit qarsutsiffigineqarsinnaapput. Qaarsunni Uummannamilu aamma malerujussuaqarsinnaassaaq. Qaarsut innuttaasui 113-t najugaat qarsutsinermi eqqorneqarsinnaapput. Uummannamilu peqqinnissaqarfik, Pilersuisup quersua tunitsivillu aamma tassaarsuarmit eqqugaasinnaallutik.
Saattut, Ukkusissat aamma Ikerasak qaqqamit sisoorfiusumit ungasinnerusumi inissisimapput. Ajornerpaamillu pisoqassappat taakku aamma eqqugaasinnaapput. Saattuni innuttaasut arfineq-pingasut angerlarsimaffii, Ikerasannilu innuttaasut arfineq-marluk angerlarsimaffii ulorianartorsiorfimmi inissisimapput.
Misissuinerup aamma takutippaa qaqqap sisoorneranit Uummannap sulluani tamani malerujussuarnik pilersitsisoqassasoq. Tamannalu umiatsimik angalasunut qaqqamit ungasittumiittunut aamma navianarsinnaavoq.
Karrat 1, 2 aamma 3 sisoorneranit tassaarsuup sumiiffinnut apuunissaa uani takuuk:
Læs hele sagen:
-
Qaqqaq annertooq sisuussappat ajunaarnersuaqartitsisinnaasoq
-
Stort fjeldskred kan blive katastrofal
-
Bygdeboere skal afgøre deres egen fremtid
-
Nunaqarfinni najugallit siunissartik namminneq aalajangiiffigissavaat
-
Qaarsormiut tupaqqapput
-
Borgere i Qaarsut chokeret over nyheden
-
Advarsler er alvorlige
-
Mianersoqqutigineqartut ilungersunartuupput
-
Sådan kan tsunamien ramme bostederne