Tassaarnersuarmut eqqugaasut akileraarutitaqanngitsumik taarsiivigineqassapput

Nuugaatsiami Illorsuarnilu pinngortitamik ajunaarnersuaqarnerata kingunerisaanik innuttaasut 50.000 koruuninik taarsiivigineqarput, taarsiivigineqarnerat akileraarutitaqassanngitsoq Inatsisartut ippassaq oqaluuseraat.

Malittarisassat atuuttut malillugit akiliisup inatsisit malillugit pisussaaffilerneqanngitsumik tamatumunnga taarsiinermut akiliutit taarsiiffigineqartumut inatsisit malillugit akiligassartaqanngitsumik taarsiissutaapput. Akileraarutit eqqarsaatigalugit pisussaaffilerneqanngitsumik taarsiissutit tunniussatut isigineqarput, taarsiissutivittullu isigineqarnatik.

- Pisumi matumanerpiami ataasiaannartumik tapiissuteqarnerit akileraaruteqartinneqannginnissaannik siunnersuuteqarnermi tunngavigineqarpoq aningaasaliissuteqarnerni siunertarineqartut akileraaruserneqassappata tamanna siunertarineqartumut akerliussammat.

- Aammattaaq ataasiaannartumik tapiissutit isertitatut akileraarutaasussaasutut naatsorsorneqassappata tapiissutinik tigusisut piffissami aalajangersimasumi ineqarnermut tapiissutisiaat annikinnerulersinnaapput kiisalu ulluunerani paaqqinnittarfimmut akiliutaat annertusisinnaallutik, tassa akiliutit taakku tigusisartup isertitai malillugit iluarsiivigineqartarmata.

Taartissanik inissialiorneq pigisat akileraarutaasussaatitaasut nalingannik annikilliliinikkut taarserneqartussatut isigineqassapput.