Tasiilarmiut namminneq oqaatsitik atorlugit ikiorneqarusupput

Kalaallit Nunaat Danmarkimit ikiorneqarnissamik qinnuteqassagaangat kulturikkut oqaatsitigullu pissutsit eqqarsaatigalugit qallunaat oqartussaasuinik peqqissaartumik ataqatigiissaarisoqartassaaq.

Oqaatsitigut, assersuutigalugu qallunaap tarnip pissusianik immikkut ilisimasallipinnuttaasullu kalaallisut oqaluttup akornanni, unammilligassat Tasiilami innuttaasunit isiginiarneqartorujussuupput. – Siusinnerusukkut misilittakkat takutissimavaat oqalutsimik ikiorteqaraluarlutik misigisimasartut tamakkiisumik saqqummiussisinnaanatik, oqaloqatigiinneq kulturit oqaatsillu assigiinngitsut marluk atorlugit ingerlanneqaraangat. Taamaattumik avataanit ikiortissarsiortinnata ataatsimut aaqqiissutissamik nassaarsiortariaqarpugut, Martha Abelsen oqarpoq.

Tasiilarmiut ernumagisorujussuuaat suliassanik suliarinnittorpassuarnik tikittoqassasoq oqaatsiminnik atuisinnaanngitsunik. Tasiilamut tikeraareerluni taamatut oqarpoq Peqqissutsimut, Isumaginninnermut Inatsisinillu Atortitsinermut Naalakkersuisoq Martha Abelsen (S).

Taamaattumik Naalakkersuisunut aamma pingaaruteqarpoq Danmarkimit ikiorneqarnissamik qinnuteqarnermi peqqissaartumik ataqatigiissaarisoqassasoq aammalu kulturi oqaatsillu eqqarsaatigineqassasut.

– Massakkorpiaq meeqqanut inuusuttunullu, kinguaassiuutitigut atornerlunneqarnikkut kingusissukkut kingunerlutsitsisunut angalasartuuteqarpugut, taakkulu tassaapput peqqissaasut tarnillu pissusiinik immikkut ilisimasallit, sapinngisamik kalaallisut oqalussinnaasut. Katsorsaasut qallunaatut oqalussinnaapput ilitsersorneqassallutillu, taamaattumillu Danmarkimit ikiorsiissutip ilaa tassaalluarsinnaavoq katsorsaasutsinnut ilitsersuisut Danmarkimeersut. Ikiorneqarnissamilli qinnuteqannginnitsinni innuttaasunut toqqaannartumik ikiuineq eqqarsaatigilluagaassaaq.

AllaaserisaqtamakkerluguaviisiSermitsiamiatuarsinnaavat. Aviisiuaniataanipissarsiarisinnaavat:

Powered by Labrador CMS