Tasiilaq: Kinguaassiutitigut innarliisoq innarlerneqartorlu imminnut ilisarisimasuusarput

Tasiilami kinguaassiutitigut pinerliisimanerit sisamararterutaat qanigivallaakkamik atoqateqartarnermut tunngassuteqartarput, tassa innarliisup meeraq ilaqutarisani atornerluttarpaa

Kalaallit Nunaanni innuttaasut tamarmiusut fem procentii Tasiilami eqqaanilu najugaqartuupput. Taamaakkaluartoq 2018-imi Kalaallit Nunaanni meeqqamut 15-it inorlugit ukiulimmut kinguaassiutitigut innarliisimanerit pillugit nalunaarutit tamarmiusut 27 procentii Tasiilameersuusarput.

Tasiilaq tassaavoq, innuttaasuni ataasiakkaani meeqqanut inuusuttunullu kinguaassiutitigut pinerliisimanerit pillugit nalunaaruteqarfiunerpaasartoq.

Nalunaarusiaq, Kalaallit Nunaanni Politiit ullumi saqqummiussaat naapertorlugu, innarliisup innarlikkani ilisarisimasarereertarpaa.

Innarliisup innarlerneqartullu atassuteqaqatigiinnerat politiinit misissorneqarsimavoq:

Innarliisimasut 43 procentii inersimasuupput, taakku affaasa innarligartik ikinngutigisarpaat imaluunniit ilisarisimasarisarpaat

Nalunaarutigineqartut 26 procentiini innarliisup innarlikkani ilaqutarisarpaa

Sinneruttut 21 procentiisa innarligartik utoqqaaqatigisarpaat

Innarlerneqartumut qanigisaaneq

- Innarlerneqartup innarliisullu imminnut ilisarisimanerannut tunngatillugu nalunaaruteqarnermi innarliinerit qanoq ittuusarneri assigiinngittarput, nalunaarummi taamatut allasimasoqarpoq.

Meeqqamik 15-it inorlugit ukiulimmik kinguaassiutitigut atornerluisoqarsimaneranik nalunaarutigineqartartuni innarliisoq innarlerneqartorlu ukioqatigiittarput, taakkunannga atornerluisimasut 11 procentii ilaqutaasarput. Atornerluinermut tunngatillugu atornerluisimasut to procentii atornerluisoq atornerlunneqartorlu ukioqatigiittarput, taakkunannga atornerluisimasut 39 procentii ilaaqutaasarput.

Innarliisup innarlerneqartullu najugatigiittarnerat

Pinerliinerit amerlanerpaartaat, 79 procentii, angerlarsimaffimmi pisarput, pinerliinerilli tre procentiinnai kikkut tamat ornittagaanni, soorlu meeqqerivinni, pisiniarfinni silamilu pisarlutik.

Nalunaarutigineqartartut tallimararterutaat, 18 procentii, sumi pisimanersut paasissutissiissutigineqanngillat.

Nalunaarusiaq naapertorlugu kinguaassiutitigut pinerliisarnert eqqarsariaqqaarani pisarsimapput, tassa innarliisoq periarfissamik takugaangami innarliisarpoq, amerlanertigut tamanna pisarpoq innarliisup angerlarsimaffiani imaluunniit innarlerneqartup angerlarsimaffiani.

- Innarliinerit ilaat innarlerneqartup innarliisullu angerlarsimaffianni pisarput. Nalunaarutigineqartartut pingajorarterutaasa missaanniittut angerlarsimaffimmi pisimatillugit, erseqqissumik oqaatigineqarsinnaasanngilaq, innarlerneqartup imaluunniit innarlisup angerlarsimaffiani pisoq pisimanersoq. Taakkununnga atatillugu aamma erseqqissumik oqaatigineqarsinnaasanngilaq, inuit pineqartut sumiiffimmut attuumassuteqarnersut, taamatut allassimasoqarpoq.

Tasiilami Tasiilallu eqqaani kinguaassiutitigut pinerliiffigineqarsimasut 89 procentii innarlerneqarnerminni 15-it inorlugit ukioqartarput. Innarlerneqarsimasunit 191-iusunit niviarsiaqqat 169-iupput nukappiaqqallu 22-ullutik.

Innarliisimasutut nalunaarutigineqarsimasut nukarlersaat qulingiluanik ukioqarluni innarliisimavoq, utoqqaanersaallu 83-inik ukioqarluni innarliisimalluni.

Powered by Labrador CMS