Tasiilaq: Inuit marluk toqutsisimasutut unnerluutigineqarput
Inuit marluk Eqqartuussisoqarfik Sermersuumi inatsit tunngaviusoq naapertorlugu killisiuineqassapput ullumi. Odin Mikikimut toqutsisimasutut unnerluutigineqarput
Annonse
Odin Mikikimik toqutsisimasutut inuit marluk inatsit tunngaviusoq naapertorlugu killisiuineqassapput qqartuussisoqarfik Sermersuumi.
Politiit tusagassiutinut nalunaarummi allapput.
Odin Mikiki Tasiilami ilisimanngitsoq nilloqqasorlu siumorneqarpoq oktobarip qulingani. Islandimut napparsimaviliaanneqaraluarpoq, inuunerali annaaneqarpoq.
- Unnerluutigineqartup aappaa Tasiilami Ammassallip Katersugaasivianik serlersaarisimasutut aamma unnerluutigineqarpoq. Taanna septembarip 30-anip oktobarillu aallaqqaataata missaanni pivoq, politiit allapput.
Politiit suliamut misissuinerat pissutaalluni suliaq matoqqasumik suliarineqarnissaa qinnuigineqassaaq.
Taamaattumik politiit suliaq pillugu oqaaseqarumanngillat.