meeqqat inuusuttullu
Tasiilaq nipilersornermut atuarfeqalertoq
Meeqqat inuusuttullu 21-t tikillugit ukiullit Tunumi illoqarfimmi nipilersornermut ilinniarsinnaanngorput
Kommuneqarfik Sermersuup Nipilersornermik atuarfia Tasiilami immikkoortortamik nutaamik ammaavoq.
Alain Apaloo nipilerornermik atuarfimmi ilinniartitsisuussaaq, tassani meeqqat inuusuttullu 21-t tikillugit ukiullit atuartinneqarsinnaassapput.
Kommuni tusagassiuutinut nalunaarummi taama allappoq.
Soqutiginninneq annertooq
Sapaatip-akunneri tulleriit ingerlanerini atuartut 200-t sinnillit ilinniarusullutik nalunaarsimasut, Kommuneqarfik Sermersuup Nipilersornermik atuarfiani pisortap, Kenneth Horsbrughip ilisimatitsissutigaa.
- Amerlapput, nuannaarutigaaralu Tasiilami meeqqat taama amerlatigisut piumasut neqeroorfigisinnaagatsigit, sunngiffimmi sammisassaq nuannersumut, pissanganartumut ineriartuutaasinnaasumullu, taanna oqarpoq.
Kommuneqarfik Sermersuup Nuummi Nipilersornermik atuarfiata nipilersuutit amerlasuut Tasiilamut nassiussimavaat, Nipilersornermik atuarfimmi ilinniartut eqqortunik nipilersuuteqarniassammata.