Skip to main content

Tasiilap Katersugaasiviani ikaartitikkanik assilisat takukkit

Tasiilap Katersugaasiviani Anne-Mette Holmip ikaartitikanik assilialiaanik saqqummersitat tallimanngornermi ammarneqarput

Kusanartuliortartut sløjdimilu ilinniartitsisoq Anne-Mette Holm Kulusuup Atuarfiani ukiuni arfineq-pingasuni ilinniartitsisuunermini ikaartitikkanik assilialiortarsimavoq.

Tasiilap Katersugaasiviani Anne-Mette Holmip ikaartitikkanik assilialiaanik kusanartunik saqqummersitat tallimanngornermi ammarneqarput. Taama Tasiilap Katersugaasiviata pisortaa Carl-Erik Holm tusagassiuutitigut nalunaarummi ilisimatitsivoq.

- Assiliartaat tassaapput Anne-Mette Holmip Tunumi naasunik, uumasunik inunnillu qanoq paasinninni tunngavigalugu ersersitai, Tunumut asanninnerujussuanik malunnaateqarluartut, katersugaasiviup pisortaa paasissutissiivoq.

- Anne-Mette Holmip ikaartitikkani saqqummersikkiartorlugit uternera nuannaarutigaara, Carl-Erik Holm oqarpoq oqaluttuarlunilu, Kulusuup Atuarfiani meeqqat Anne-Mettep tunniusimalluarneranik iluaqutiginnittorujussuusimasut.

- Meeqqat Kulusummeersut Anne-Mette Holm peqatigalugu nunanut arlalinut angalasarsimapput, ilaatigut Sverigemut, Danmarkimut, Hollandimut Frankrigimullu namminneq suliaminnik saqqummersitsiartorlutik, Carl-Erik Holm paasissutissiivoq.

Ikaartitikkat Tasiilap Katersugaasiviani aasaq tamakkerlugu takuniarneqarsinnaapput.

Assilisat matuma ataaniittut isiginnaakkit.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER