Skip to main content

Tasiilamut utilersoq

Jørn Holbech Aarhusimi Kalaallit Illuat ukiuni tallimani pisortatut suliffi gereerlugu Tasiilamut atuarfi ullu pisortaatut atorfi mmut utertussanngorpoq.

Jørn Holbech erneralu Jaakusaaq aggustimi Kalaallit Nunaaliarpata qimmit qimuttut marluk Marie Nukalu ajoraluartumik Aarhusimi angerlarsimaannartariaqassapput. Qimmit qimuttut, qimuttoqarfik qimallugu anninneqareersimasut, qimuttoqarfimmut uterteqqinneqarsinnaanngillat. Kisianni qimaannavinneqarnavianngillat, Jørn Holbechip nulia meeraalu angajulliit marluk aamma Kalaallit Nunaaliaqataanngikkallassammata.

Jørn Holbech, Aarhusimi Kalaallit Illuanni ukiuni kingullerni tallimani pisortaasimasoq, Tasiilami Alivarpimmi atuarfiup pisortaatut sulilissaaq. Atorfik taanna 2006-imiit 2014- imut suliffigisimavaa, sulilu unitsissimanagu.

– Kalaallit Illuanni januaarimi 2020-mi suliunnaarpunga, tamatumalu kingorna Spanialiarlunga Caminoen pisuttuarfigiartorlugu inuuneralu kiisalu maanna sumik suliaqalissanerlugu eqqarsaatigiartorlugu. Atorfik nukissamik ilumoortumik pissarsissutigisimasara tassaasoq Tasiilami atuarfimmi sulineq inerniliissutigaara. Danmarkimut uterama nalaatsornerinnakkut takuara atuarfiup pisortaatut atorfik inuttassarsiuunneqartoq. Tamanna pavannga nalunaaqutitut tiguara atorfillu qinnutigalugu, Jørn Holbech oqaluttuarpoq, erninilu Jaakusaaq, Kalaallit Nunaanni inunngorsimasoq, Tasiilamukaqartigissallugu.

– Oqaluttuaq nalinginnaasuuvoq. Kalaallit tiguartiffigineqarsinnaavoq imaluunniit tiguartiffigineqanngitsoorsinnaavoq. Tasiilaq tiguartiffigilluinnarsimavara Danmarkimilu inuunerup periarfissarpassuaqartup uippakajaarnarsinnaanera misigisimallugu. Nunarsuarmi sumiiffimmik allamik Tasiilamit najugaqarfigissallugu pitsaanerusumik misigisaqarsimanngilanga. Aamma najukkami inuiaqatigiinnut patajaassutsimik eqqissisimanermillu tunniusseqataarusuppunga. Atuarfiup illoqarfiullu, ineriartupilooreersup, mumisitsiviginissaannik kissaateqanngilanga. Kisianni nukimmik pitsaasumik, siuariartornermik suliamullu tunngassutilinnik pingaartitsinermik tunniusseqataarusuppunga.

Illoqarfiup katersuuffia Tasiilami Alivarpi atuarfiuvoq angisooq 430-nik 1. klassiniit 10. klassinut agguataarneqarsimasunik atuartulik. Atuarfik assigiinngitsorpassuartigut illoqarfimmi innuttaasunut tamanut toqqammaviullunilu pissusissamisoortumik katersuuffiuvoq. Kisianni Tasiilaq pillugu siorna piviusulersaarut illoqarfik meeqqat periarfeeruffigisaat "Byen hvor børnene forsvinder" illoqarfimmik annertuunik unammilligassalimmik assilissamik aamma pilersitsisimavoq.

Jørn Holbech oqallinnermut malinnaasimavoq, isumaqarlunilu, assiliaq filmimit piviusulersaarummit takutinneqartumit tamatingoortuunerusoq. Tamatuma saniatigut isumaqarpoq, eqqumaffiginninneq pitsaanngitsoq aallakaatitap malitsigisaa illoqarfimmi innuttaasut iluaqutigisimanngikkaat.

– Inuppassuit Tasiilami suut tamarmik ajortuunerannik misigisimalersimapput, tamannalu illoqarfimmi najugaqartunut tuniluussimavoq. Immaqa misigisimasoqarpoq suunnginnermik imaluunniit sunngorsinnaannginnermik. Tamanna inuunermi siumukarnissamut arlaannaannulluunniit iluaqutaanngilaq. Taava pitsaanerussaaq ingerlalluareersut tamaasa isiginiarnerussallugit tamatumalu peqatigisaanik ingerlalluannginnerulaartut assersuutigalugu isumaginninnermut tunngasut patajaatsumik ingerlaavartumillu sulissutigalugit.

Jørn Holbech 2006-imi Tasiilamut tikimmat meeqqat angerlarsimaffimminnni ilungersunartorsiortut taamaallaat killilimmik nalunaarutigineqartarput. Kisianni Jørn Holbechip atuarfiup pisortaatut sulinerata nalaani tamanna aalajangersimasumik suleriaaserineqalerpoq.

– Nalunaarutiginninnerit pisariaqartuunerannik kikkut tamarmik paasinnissimanissaat pingaaruteqarpoq, taamaanngippammi meeqqanut ikiorsiisoqarsinnaanavianngilaq. Siusinnerusukkut isumaqartoqartarsimagunarpoq, avataaniit ikiorneqarnissaq pisariaqanngitsoq imaluunniit tamanna apeqqutaavallaanngitsoq.

Ullumikkut nalunaarutiginninnerit aaqqissugaasumik suliarineqartarput tamannalu isumalluarnartuuvoq, kisianni suliap tamatuma sivisunissaa aamma paasineqartariaqarpoq.

Jaakusaaq aqqanilinnik ukiulik ataatami angutitut angalaqatiginissaanut qilanaarpoq. Ukiuni kingullerni tallimani Danmarkimi atuartuusimavoq, kalaallisullu oqaaseqarunnaarsimalluni. Kisianni ilinniarneqassaaq, oqarpoq. Aamma qimuttunik qimmeqaqqilissaagut. Maannakkorpiaq qimmiaqqat sisamat ataatap erneratalu Tasiilamut tikinnissaannut utaqqipput.

Ilinniartitaaneq pillugu aviisimi ilanngussami atuarnerusinnaavutit- akeqanngitsumik uani atuarsinnaavat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER