Skip to main content

Tasiilamik imigassamik inerteqquteqarneq atorunnaassaaq: Isumaginninnermi pigaartut amerlivagut

Tasiilami nunaqarfiinilu imigassamik tuniniaanermut sassaalliinermullu inerteqquteqarneq unnuap qeqqanut atorunnaarsinneqassaaq. Kommunip isumaginninnermi pigaartut amerlivaat ornittakkallu sivisunerusumik ammatinneqassapput.

Naalakkersuisut imigassanik aalakoornartortalinnik inerteqquteqalerneq septembarip aallartinnerani Tasiilami atuutilerpaat. Imigassartorsimanerup kingunerisaanik annertuumik ajornartorsiortoqalermat. Imigassamik inerteqquteqartitsineq ullumi tallimanngornermi unnuap qeqqanut atorunnaarsinneqassaaq. 

Kommuuni, politiit peqqinnissaqarfillu qanoq oqartussat pinaveersaartitsinerusinnaanersut pillugu sisamanngornermi ataatsimeeqatigiipput. 

LÆS OGSÅ: Sakkortuunik pisoqartaareersorlu Tasiilami imigassaarniartoqarunnaarpoq

- Meeqqanut ilaqutareeqarnermullu immikkoortortaqarfimmiit isumaginninnermi pigaartut sapaatip akunnerata naanerani amerlivagut. Meeqqanut ornittakkat ammatissavagut, meeqqat unnuisariaqalissappata unnuisinnaaniassammata. Taassuma saniatigut inuusuttut ornittagaat sivisunerusumik ammatissavarput. Meeqqat inuusuttullu toqqissisimaffigisaminnik ornitaqarsinnaasariaqarput, tunumi kommunimi immikkoortortami pisortaq, Hjørdis Vibjerg Sermitsiaq.AG-imut oqarpoq. 

Imerniartarfiit sapaami matoqatinneqartassapput

Kinguaassiutitigut pinngitsaaliinerit, persuttaanerit imminullu toqunnerit Tasiilami septembarip aallartinnerani misigineqarput. Pisut tamarmik imigassartorfiusumi pipput peqqinnissaqarfiullu pisunut annertuunut malinnaasinnaajunnaartinneqarpoq. Innuttaasullu maanna eqqarsarfissaminnik periarfissinneqarnikuupput. Hjørdis Vibjerg oqaasii naapertorlugit innuttaasut imigassap ersiinnartumi tuniniarneqarsinnaanera allanngortikkusupppaat. 

- Innuttaasut inuiaqatigiit nalinginnaasumik inuusut killilersorneqanngitsut kissaatigaat. Taamatut oqareerlunga innuttaasut aaqqiisutinik pinaveersaartitsisinnaasunik siunnersuuterpassuarnik pigisaqarput. Aalakoornartup pissarsiareriaanaanera innuttaasut allanngortukkusuppaat. 21-ileeqaarsimasariaqarpoq imigassarsiniaraanni imigassallu pisiniarfinnut allaanerusunut nuunneqarnissaat aamma soorlu kissaatigineqarpoq, Hjørdis Vibjerg oqaluttuarpoq. 

'Illoqarfiup meerartai tamatta pigaagut'

Imigassat unnuap qeqqanut ammaqqinneqartapata innuttaasut silatusaarnissaat, Hjørdis Vibjergip neriuutigaa.

Marlunngornerup unnukkuani innuttaasunik ataatsimiisitsisoqarmat innuttaasut 250-it pinaveersaartitsineq eqqarsaatigalugu oqallipput. Takkuttut tamarmik allanngortoqarnissaa kissaatigaat aaqqiissutissanillu siunnersuuteqarlutik, soorlu sapaami imerniartarfiit matoqatinneqartarnissaat. 

- Siunnersuutit amerlasuut marlunngormat takkupput, siunnersuutillu ilai aallartisarneqaleerput. Nammineq kajumissutsiminnik sulerusuttut pinaveersaartitsineq eqqarsaatigalugu suliaqarusupput. Immitsinnut tapersersoqatigiisinnaaneq aamma pingaartinneqarpoq. Soorlu oqartartugut meeqqat tamarmik tamatta akisussaaffigaagut, Hjørdig Vibjerg oqarpoq. 

Politiit, peqqinnissaqarfik kommuunilu qanimut suleqatigiinniarput imminnullu tapersersoqatigiiniarlutik arlaanik susoqassagaluarpat. 

- Natteravnit aallartisaleruttorput. Nammineq kajumissutsiminnik suliaqartut ilaatigut angajoqqaat ataatsimoorfigisinnaasaanik aallartitsiniarput, tassani angajoqqaaneq eqqartorneqarsinnaasassalluni, Hjørdis Vibjerg oqarpoq. 

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER