Skip to main content

Tasiilami qulimiguulik timmeqqusaajunnaartoq

Takornarialerineq aallartilluaruttortoq Air Greenlandip Tasiilami qulimiguuliutaa timmeqqusaajunnaarpoq

Sisamanngornermi Air Greenlandip Ammassalimmi qulimiguuliutaa keermiaasiit taartissanik utaqqeqqittariaqalerpoq. Ilaasussat 22-t eqqorneqarput taakkua Kulusup Tasiilallu akornanni angallanneqartariaqarlutik. 

Air Greenlandimit sisamanngornermi ullaakkut paasineqarpoq Bell 212-ip sisoraataanni quppaqartoq. Taamaattumik qulimiguulik timmeqqusaajunnaarpoq. 

Dash 8-imik atugassarsigatta ingerlaanneq sisoraat Kulusuliaanneqarput taannalu ingerlaannaq ikkussuunneqarluni, tallimanngornermi ullaakkut timmisartuussinerit ingerlateqqissinnaalerlutigit, Jesper Kunuk Egede Air Greenlandimeersoq oqarpoq. 

Tamatuma nassataanik sisamanngornermi Air Greenlandimut ilaasussat 6-it, Tasiilamit Kulusumut angallammik ingerlattariaqartut Air Iceland aqqutigalugu Islandimut ingerlaqqittussat. Tamatuma saniatigut Air Greenlandimut ilaallutik Kulusumit Tasiilaliartussat arfiniliupput. Kulusumit Tasiilaliartussat katillutik aqqaniliupput, taakkunanngali tallimat nunaqavissut Tasiilaliariarlutik ulloq tanna Kulusumut utertussaasut tallimanngornermi taamannak angalanissaminnut periarfissinneqartut, Air Greenlandimit ilisimatitsissutigineqarpoq.  

Piffissap sivikitsunnguup iluani Tasiilami qulimiguulik timmeqqusaajunnaarpoq.

Juunip 25-anni qulimiguulik aamma unitsinneqarpoq, taamani atortussat USA-mit tikisinneqartariaqarlutik ullunik arlalinnik sivisussusilimmik utaqqineqartut. Tamatuma saniatigut angallatit sikoqarpallaarneranik ajornartorsiorput. Ullulli arlallit qaangiuttut angallatit angalaarsinnaalerput ilaasut sikunit misigisaqaqalutik. Angalaneq nal. ak. tallimat sinnerlugit sivisussuseqarmat.

Maajip 29-anni qulimiguulik aamma timmeqqusaajunnaarpoq atortussalli amigaataasut aqaguani Kulusumut timmisartuunneqapallapput, sikoqarpallaarneratali nassataanik Tasiilamut apuunnissaat ilungersuutigineqarluni. Ullut marluk qaangiummata kiisami iluatsitsisoqarpoq, Twin Otterip Islandimit taartissat Tasiilami heliportimut nakkartissinnaammagit. 

Juulip qulinganit qulimiguulik AS 350, Air Greenlandimit sumiiffimmi atorneqalissaaq taamaasilluni Tasiilami qulimiguullit marlunngussallutik. 

- Taanna inniminniisunit atorneqartassaaq tamatuma saniatigut 212-mik paarlaassussatut sillimasuutigineqassalluni, Jesper Kunuk Egede oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER