Skip to main content

Tasiilami Qaanaamilu innuttaasut akiuussutissalersuisunit nersualaarneqartut

Tasiilami, Qaanaami nunaqarfiinilu siullermeerluni akiuussutissanik kapuuinerit naammassingajalerput, sumiiffinnilu marluusuni inuit tallimat missaanniikkaangata sisamat akiuussutissamik Moderna-meersumik kapitinnissamut neqeroorfigineqarnerminni akuersisarsimapput.

Tasiilami Qaanaamilu innuttaasut ikiuuttorpassuillu akiuussutissalersuisunit nersualaarneqarput. 

- Taakku oqaluttuarput isumagissaarneq malunnarluartoq, aammalu inuppassuit akiuussutissamik kapitikkiartorlutik apuunnissaminnut ikioqatigiittarsimasut. Taamaattumik sumiiffiit ilaanni 100%-it tikingajallugit kapitisimapput, Namminersorlutik Oqartussat tusagassiorfinnut nalunaaruteqarlutik allapput.

Nunatsinni Nakorsaaneq ilisimatitsivoq, inuit quliugaangata arfineq-pingasut imaluunniit qulingiluat kapitinnissaat angusinnaagutsigu, inuiaqatigiinni annertunerusumik tuniluuttoqarnissaa pinngitsoorsinnaagipput. 

- Kisiannili eqqaamaneqassaaq, akiuussutissamik kapitissimanngitsut suli coronamik napparsimarujussualersinnaammata. Taamaattumik inunnut ataasiakkaanut akiuussutissamik kapitinneq Covid-19-imik napparsimarujussualernissamut illersuutaasussaavoq, nalunaarummi allassimavoq.

Kujataani kapuuinerit ornigarneqannginnerusut

Akiuussutissanik kapuuineq pilersaarutit malillugit ingerlapput, aammalu akiuussutissanik kapuuisut Kujataani angalaqqillutik. Nalunaarutigineqarpoq matut innuttaasunut soqutiginnittunut tamanut ammasut. 

- Kujataani akiuussutissanik kapuuineq ornigarneqannginnerpaasoq misigineqareerpoq. Taamaattumik maanna innuttaasut, siullermeerlutik kapitikkusuttut innuttaasunut kapiteqqittussanut ilanngullugit akiuussutissersorneqarnissaannik aaqqissuussisoqarpoq, Namminersorlutik Oqartussanit ilisimatitsissutigineqarpoq.

Sapaatip akunnrata tulliani pilersaarut

Nunami isorartuumi aammalu najugaqarfinni avinngarusimanerusuni sapinngisamik amerlanerpaat kapitinnissaat annertuumik aaqqissuunneqartariaqarpoq.

-  Taamaattumik akiuussutissanik kapuuisut najuunnerini innuttaasut akiuussutissamik kapitinniarlutik angerlarsimaannarniarnissaat pingaaruteqarpoq. Maanna akiuussutissamik kapitinnissamut neqeroorummut itigartitsiniarluni aalajangertoqarpat, aammalu kingusinnerusukkut isuma allanngortinneqarpat, akiuussutissanik kapuuinerup nalinginnaalernissaanut utaqqisoqartariaqarsinnaavoq. Angalasimagaanni akiuussutissanik kapuuisut sumiiffigisamiinnerini akiuussutissamik kapitinnissaq tamatigut periarfissaasinnaavoq, Namminersorlutik Oqartussanit oqaatigineqarpoq.

Sapaatit akunnerata tulliani Uummannaq nunaqarfiilu, Kujataa kiisalu Qeqertarsuaq Qasigiannguillu orninneqassapput. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER