ujaasineq
Tasiilami politiit angut inuusuttoq ujarpaat
Ujarneqartoq innuttaasut namminneq tigusareriassanngilaat, tunumi illoqarfimmi politiit oqarput
Tasiilami politiit 16-inik ukiulik xxxxx, erloqinartumik pinerlussimanera pissutigalugu tigummigallarneqarsimasoq, ujaaraat.
Xxxxx kingullermik Tasiilami takuneqarpoq marlunngormat juulip 5-anni nal. 22.30 missaani, isumaginninnermut oqartussaasunit, tigummigallarneqarneranik akisussaasunit, qimaammat.
Allanut ulorianarsinnaasoq
– Nalilerneqarpoq qimaasoq imminut allanullu ulorianarsinnaasoq, taamaattumillu innuttaasut ingerlaannavik politiit attaveqarfigissavaat taanna takugunikku imaluunniit sumiinnersoq ilisimagunikku, politiit tusagassiorfinnut nalunaarummi allapput.
Tamanna peqatigalugu politiit nalunaarutigaat innuttaasut namminneq qimaasoq tigusareriassanngikkaat.
Qimaanikoq politiit suli ujarpaat, mannali tikillugu suli nassaarinngilaat.
Tasiilami politiit telefon 70 12 24-mut sianerluni imaluunniit Sermersuumi politiinut pigaartut 70 14 48-mut sianerluni attaveqarfigineqarsinnaapput.