Tasiilami neriuuteqariartuaalersut
Tunumi illoqarfimmi meeqqanut inuusuttunullu suliniutit amerlanerusut neriuuteqalersitsipput. Sumiiffinnili allanisulli takornariaqarneq sakkortuumik eqqorneqarsimavoq.
Nakorsaanerup COVID-19-imik tunillatsittoqarsimasoq nalunaarutigigaangagu tamatigut Tasiilami innuttaasut akornanni ernumalersoqartarpoq.
Aviisi AG allappoq.
Taamatut oqaluttuarpoq Kommuneqarfik Sermersuumi Tasiilamut immikkoortortaqarfimmi pisortaq Hjørdis Viberg, taannalu tikkuaavoq illoqarfimmi coronamik tunillatsittoqaraluarpat Tasiilami peqqinnissaqarfik sukkasuumik tatineqalissasoq. Taamaattumik toqqissisimanarpoq oqartussaasut nappaat tuniluuttoq ilungersunartutut iliuuseqarfigimmassuk.
- Maluginiarpara coronap iliuuseqarfigineqarnera inuit nuannaarutigigaat, Hjørdis Viberg oqarpoq. Aningaasarsiornikiffiusutut Tasiilaq sakkortuumik eqqorneqarpoq, nappaatip tuniluuttup takornariaqarnerup ineriartornera unitsissimammagu.
- Sakkortuumik eqqorneqarpugut, tamanna qularutissaanngilaq. Tamannali peqatigalugu misigaara inuit akornanni aniguerusussuseqarnerujussuaqartoq, mattussuseqarnera takutinneqarpoq. Tamannalu inuiaqatigiinni nukittussusaavoq, Hjørdis Viberg oqarpoq.
Taanna oqaluttuarpoq takornarialerisut nutaaliorniartartut, ilaatigut inuusuttunik illoqarfimmiunillu angalaarnernik aaqqissuussisarlutik.
- Nimaartoqarpallaanngilaq. Inuit naammagittarput, immikkoortoqarfimmi pisortaq oqarpoq.
Aviisimi AG-mi atuarnerusinnaavutit: