Tasiilami meeqqat pillugit piviusulersaarut sakkortooq
DR2-p filmiliaq 'Byen hvor børn forsvinder' Tasiilami kinguaassititigut kannguttaatsuliornernut aamma imminut toquttarnernut tunngasoq takutilerpaa.
Naasunnguaq Ignatiussen Streymoy Danmarkimi najugaqareerluni ilaquttanilu Tasiilami najugaqarput. Naasunnguaq Ignatiussen Streymoy illoqarfimmi inuuvoq peroriartorlunilu. Filmimi piviusulersaarusiami 'Byen hvor børn forsvinder'-imi pingaarnertut inuttaasut aapparaat.
Illoqarfimmi meeqqat inuusuttullu annaanniarlugit ilungersuussivoq, tassani innuttaasut tallimararterutaat imminut toqullutik toqusarput.
Naasunnguaq Ignatiussen Streymoy meeqqap misigisinnaasaani ajornerpaamik pineqarmat, atsiornernik katersinermik aallartitsivoq.
Pingaarnertut inuttap aappaa tassaavoq Rikke Blegvad, isumaginninnermut oqartussat atuartuutiminik sumiginnaanerannik pakatsigaluttuinnartoq. Rikke Blegvad siornatigut ajornartorsiutit pillugit Sermitsiaq.AG-mut oqaluttuareerpoq.
DR-ip Rikke Blegvad Nuummut qaaqquaa, tassanilu Martha Lund Olsen, Kommuneqarfik Sermersuumi isumaginnittoqarfimmi pisortaasoq paasitikkiartorpaa.
'Byen hvor børn forsvinder' DR2-mi unnugu nalunaaqutaq 21.30 (Danmarkip nalunaaqutaa malillugu) takutinneqassaaq.