Tasiilami isumaginninnikkut paatsiveqannginneq
Tasiilami meeqqat sumiginnarneqarsimasut ikilisinniarneqalerpata tamanna unammilligassarujussuussaaq. Tamanna Tasiilami innuttaasunik ataatsimiititsinermi qanittukkut ingerlanneqartumi saqqummiunneqarpoq
Inatsisartuni meeqqat inuusuttuaqqallu sumiginnarneqarsimasut ikilisinniarneqarnissaat pillugu aalajangiinermut atatillugu suliap ingerlanneqarnissaanut aningaasaliissutinik amerlanerusunik malitseqartinneqarnissaa pisariaqarluinnassaaq.
AG allappoq.
Taama oqariartuuteqartoq tassaavoq Uju Petersen, Kommuneqarfik Sermersuumi meeqqanut ilaqutariinnullu ataatsimiititaliamut siulittaasoq, taannalu kommunalbestyrelsimut ilaasortanik allanik peqateqarluni qanittukkut Tasiilamiippoq. Innuttaasunik ataatsimiititsisoqarnerani najugaqartunik oqaloqateqarnermi nunaqarfinnit nutserartoqarnerani pissutsit ernumaammernartut ersersinneqarput.
Meeqqanik kinguaassiuutitigut atornerluinerit
- Nunaqarfinnit Tasiilamut nutserartut amerliartorput. Ilaqutariit nunaqarfimmi namminerisaminnik illoqaraluartut inissaminnik qulakkeerinneqqaarnatik Tasiilamut nuuttalersimapput. Ilaquttaminni ikinngutiminnilu unnuiffissarsiortarput. Assersuutigalugu inissiami ataatsimi inuit 18-it najugaqarsimanerannut assersuutissaqarpoq, tamannalu soorunami akuersaarneqarsinnaanngilluinnarpoq. Ajornartorsiut alla tassaavoq, inuppassuit nuussimanertik nalunaarsortittanngimmassuk meeqqatillu peqatigalugit angerlarsimaffeqannginnertik kommunimut nalunaarsortittarnagu, Uju Petersen oqarpoq nangillunilu:
- Imigassamik atornerluineq aamma annertuvoq meeqqanillu kinguaassiuutitigut atornerluinerup ernguttoqarnerani akulikinnerusumik pisarneranik ilisimatinneqarsimavugut, Uju Petersen oqarpoq.
Allaaserineqartoq aviisimi AG-mi tamakkiisumik atuarneqarsinnaavoq. Aviisi aqagu pingasunngornermi pisiniarfinni pisiarineqarsinnaalissaaq. Aviisi uani pisiarineqarsinnaalereerpoq: