Skip to main content

Tasiilami inuusuttut naatitanik naatitsisarput

Naasussat naatitassallu naalaalersitat ikkutereernikut, aasallu ingerlanerani naatsiiat, ruuat, uanitsut, radiisit, kuuloruujut naasullu Tasiilami naatsiiviup naatitsiviani qallorneqassapput. Inuusuttut inuussutissarsiutini suliniummi Siu-Tsiumiittut naasussanik ivertissuillutillu natsiivimmik paarsipput.

Meeqqat pifimmeersut Tasiilami naatsiivimmi susoqarneranik takuniaapput. Mianersortunnguamik issoq aqitsoq kaavaat.

Aviisi Sermitsiaq allappoq.

Socialøkonomimik suliniarnermi Siu-Tsiumi pisortamut Hanne Danielsenimut issumik assannik suliaqarneq nutaajunngilaq, tamannalu siusinnerusukkut arlaleriarluni misilissimanngikkaanni qanoq misigineqarsinnaanera takorloorluarsinnaavaa. Iffimmilu meeqqat alapernaaserlutillu akulluarsimanerat, inersimasorpassuillu  Tasiilap naatsiivilerniarnerani ikiuussimanerat nuannaarutigaa.

– Suli immaqa amerlasuunut uppernarsaasinnaavoq, naatitsiviilli naatitanik naasunillu naaffiullualerpata malinnaavigalugit nuannersussaavoq. Amerlasuut takuniaajartorlutik orniguttarput, piffimilu naatitsinermik nangittumik suliaqarnissaq, soorlu orpinnik naatitsinissaq piumassuseqarfigineqartoq nalunngilara, maannalu piffimmi ataatsimiititaliap tamanna misissorpaa, Hanne Danielsen oqarpoq, taanna pifissami sivisuumi suliniutit piareersariartorlugu Tasiilami najugaqartarpoq.

– Inuusuttut sanasoq piffimmeersoq Carlo Werther peqatigalugu naatitsivinnik qulinik sanapput. Tulliullugu nunatamut naleqqussarlugit qernertumik qalipappaat, taakkulu saniatigut issumik 10 tonsinik ammukaassipput.

– Uuttortaaqqissaarsimavugut naatitassatsinnillu narlorissunik takisuunik ivertissuilluta, maannalu ullaat tamaasa itiaarluni matui ammarlugit imerterillunilu qaqugu naatitat naasullu naajoralerumaarnerat nakkutigisassanngorpoq, Hanne Danielsen oqaluttuarpoq, taanna Taastrupimi Grennessmindemi, ilaatigut akuutissanik naggorissaasigaanngitsunik naatitanik naasunillu niuertarfinnut suliffeqarfinnullu tuniniaasartumi pisortatut sulisimavoq. Tassani sulinermini socialøkonomimik kalaallinut naleqqussannik ineriartortitsinissaq peqatigisaanillu piffinni naatitanik naatsitsinermik nukittorsaanissaq isumassarsiaraa.

Oqaluttuaq tamaat aviisimi Sermitsiami sapaatip-akunnerani matumani saqqummersumi atuaruk, akiliillutit ugguuna iserfigisinnaavat:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER