Skip to main content

Tasiilami inuusuttunut ornittagassap inuusuttut atugarliortut ikiussavai

Kommuneqarfik Sermersuumi kommunalbestyrelsep ataatsimoortup akuereqqammerpaa Tasiilami inuusuttut ornittagartaarnissaannut siunnersuut. Ornigussinnaasut tassaassapput inuusuttut 14-18-it akornanni ukiullit aamma inuusuttut 18-23-t akornanni ukiullit.

Inuusuttut ornittagassaat inuusuttunut 14-23-t akornanni ukiulinnut assigiinngitsunik pingasunik neqerooruteqartussaq Tasiilami 1. januar 2021 ammartussanngorpoq.

Kommunalbestyrelsep taama aalajangernera Tasiilami meeqqanut ilaqutariinnullu ingerlatsivimmi pisortap Lene Warwickip nuannaarutigaa:

- Nuannerpoq inuusuttut atugarliortut ikiorneqarnissaannut neqerooruteqartussanngoratta. Pisariaqarpoq, Lene Warwick Sermitsiaq.AG-mut oqarpoq.

Inuusuttut ornittagaat inuusuttunut 14-18-it akornanni ukiulinnut ulloq unnuarlu angerlarsimaffeqassaaq, inuusuttunut 18-23-nik ukioqartunut ulloq unnuarlu angerlarsimaffimmeereersimasunut malitseqartitsilluni suliniuteqarfiussaaq aamma inuusuttuaqqanut 12-18-it akornanni ukiulinnut ulluunerani orninneqarsinnaassalluniUngecentret skal indeholde et døgntilbud til unge mellem 14-18 år, et efterværntilbud til unge mellem 18-23 år og et dagtilbud til de 12-18 år.

- Katsorsaanermik neqerooruteqarfiussaaq, aamma tapersersorneqarnissamik pisariaqartitsisut tapersersorneqarsinnaapput, Lene Warwick oqaluttuarpoq.

Siornatigut neqerooruteqarsimanngitsoq

Tasiilami assingusumik neqeroorummik piffissami sivitsortumi amigaateqartoqarsimavoq. Tasiilami meeqqat angerlarsimaffiat meeqqanut nukanganernut neqeroorutaavoq. Tasiilamilu inuusuttut ulloq unnuarlu angerlarsimaffinnut inissinneqassatillugit, kitaanut aallartinneqartariaqartarsimallutik.

- Najugaqarfiannut qanittumi katsorsaanissamut neqerooruteqalissaagut aamma ulloq unnuarlu angerlarsimaffimmik peqalissaagut, pisortaq oqarpoq.

Qinnuteqartut arlaqarput

Kommunalbestyrelsep akuersinerata malitsigisaanik Tasiilami neqerooruteqarnissamut sulisussanik ujaasineq ingerlatsiviup aallartereersimavaa. Aqutsisussat inississimalerput, sulisussallu sinneri maanna ujartorneqalerlutik:

- Tupaallannarluinnartumik arlallit qinnuteqarput. Qujanarpoq taama amerlatigisut soqutiginnillutik kajumillutillu inuusuttunik maani sullisserusummata. Mikisualuit naammassisassat inisseriarlugit aallartittariaannanngussaagut, Tasiilami Kommuneqarfik Sermersuumi meeqqanut ilaqutariinnullu ingerlatsivimmi pisortaq, Lene Warwick oqarpoq.

Neqeroorutip inissisimaffissaanik ingerlatsivik aamma ujartuivoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER