Skip to main content

Tasiilami FN atuartitsissutigineqarpoq

Tasiilami Alivarpimmi atuartut sapaatip akunnerani ataatsimi FN-ip meeqqanut isumaqatigiissutaa sammisimavaat. Sapaatip akunnerani meeqqatut inuunerissuuneq sammineqarpoq

Tasiilami Alivarpimmi atuartut sap. ak. 45-mi FN-ip meeqqanut isumaqatigiissutaa paasiniarlugu sammivaat. 4., 5.  6. aamma 7. klassimi atuartut. 4. aamma 5. klassimi atuartut isumaqatigiissutip imarisaa pitsaasumillu inuuneqarsinnaatitaaneq sammivaat.
6. klassimi atuartut atuartussaatitaaneq sammivaat, sooq atuartoqartarnersoq. Tamatuma sanniatigut atuartunut sammitinneqarput qinngasaarineq, uumisaarineq gruppimilu tatisisarneq.
7. klassimi atuartut sammivaat pitsaasumik inuuneqarsinnaatitaaneq nerisassallu pitsaasut.
– Tallimanngormat katersortarfimmi saqqummiussisoqarpoq erinarsornertalimmi, qitinnertalimmik videomilu takutitsinertalimmik. Katersortarfiup tungaanut ingerlaarnermi atuartut takisoorsuanngorlutik tasiorput illoqarfimmiunut malugitinniarlutik. Inuit 200-t missaanniittut katersortarfimmut katersuupput,Rolf Pedersen, atuartuni akullerni ilinniartitsisoq oqaluttuarpoq.
Tamarmik naammassereermata atuartut allagartarsualiaat illoqarfiup illoqannginnersaanut nivinngarneqarput, illoqarfimmiut FN-ip isumaqatigiissutaa ilikkarniassammassuk.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER