Skip to main content

Tasersuup Atuarfia toqqissisimannginneq pissutigalugu matugallarpoq

´Inuk tarnikkut qajannaatilik´pissutigalugu atuarfik sapaatip akunnerata sinnerani matuvoq

Meeqqanut Kulturimullu Ingerlatsivup kajumissaaruteqarata kingorna Qaqortumi Tasersuup Atuarfia sapaatip akunnerata sinnerani matuneqarallarpoq, taamatut paasissutissiivoq Kommune Kujalleq.

Toqqissisimannginneq

– Tamatumunnga pissutaavoq atuarfimmi sulisup tarnikkut qajannaateqalernera pissutigalugu toqqissisimajunnaarsimaneq. Ilisimaneqanngilaq pisoq tamanna atuarfiup nalinginnaasumik ingerlarnganut sunniuteqarsinnaanersoq, taamaattumik atuarfeqarnermik ingerlatsivimmi pisortap, atuarfiup pisortaata, kiisalu borgmesterip allaffiata isumasioqatigiinnerisa kingorna nalilerneqarpoq pitsaanerusoq atuarfiup matugallarneqarnissaa, atuartitsinerillu unitsillugit pissutsit iluarsinissaasa tungaanut, tusagassiorfinnut nalunaarutikkut taamatut paasissutissiipput Borgmesterip Allaffia aammalu Meeqqanut Kulturimullu Ingerlatsivik.

Qanimut malinnaaffigaat

Angajoqqaat meeqqallu paasitinneqarsimapput. Kommunillu ilanngullugu oqaatigaa Meeqqanut Kulturimullu Ingerlartsivimmi pisortap kiisalu Tasersuup Atuarfiani qullersat angajoqqaat ilinniartitsisullu pisimasoq pillugu ataavartumik attaveqarfigigaat.

– Borgmesterip sulisuni peqatigalugit pisoq qanimut malinnaaffigaa, kikkullu tamarmik sulissutigaat pissutsit piaarnerpaamik qaangerneqarnissaat, attorneqartunullu annikinnerpaamik sunniuteqarnissaa, kommuni paasissutissiivoq, nassuiarnaguli qanorpiaq pisoqarsimanersoq.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER