Skip to main content

Tartumi illua aapparminut tunniukkaa

Kalaallit Nunaat Tivolimi ingerlanneqarmat takuniaasorpassuit akornanniipput aappariit immikkuullarissumik nalaataqarsimasut

Inuit marluk Tivolimi naasunik pinnersaatinillu avatangerneqarsimallutik issiavimmi qisuusumi kusanartumik issiaarput nuannersumillu eqqissisimaarpasillutik.

Aappariit Ingeborg Larsen aamma Niels Egede ukiuni 15-ini imminnut ilisarisimasariissimapput.

Nalinginnaasumik Narsami najugaqaraluarput, maannali Kalaallit Peqqissartut Angerlarsimaffianni Københavnimiittumi najugaqarlutik, Nielsip tartumi illua Ingeborgimut tunniussimammagu.

- Peqqippallaanngitsoq takusinnaasimavara, oqaluttuarpoq.

Tartumik nuussineq pilersaarutit malillugit ingerlasimavoq, aappariillu Kujataanut angerlangajalerlutik.

Arlaleriarlutik tassani najugaqartarsimasut

Peqqissartut Angerlarsimaffianni aatsaavissuaq najugaqanngillat.

- Ukiuni kingullerni arlaleriarlunga tassani najugaqartarsimavunga, inalukkannik ajoquteqarama, Niels Egede oqarpoq. Aamma Ingeborg Larsen nappaatiminut atatillugu siusinnerusukkut Danmarkimiissimavoq. Peqqissartut Angerlarsimaffiat Brønshøjimiikkallarmat najugaqarfigisimavaa, Østerbromulli nuunnerata kingorna angerlarsimaffittaaq nuannarinerujussuullugu.

Aappariit Kalaallit Nunaat Tivolimi ingerlanneqaraangat arlaleriarlutik aliikkusiartarfittoqqamut peqataajartortarsimapput ullunilu ileqquliunneqarsimasuni taakkunani qiimaneq nuannarisorujussuullugu.

Kalaallit Nunaat Tivolimi 2015 pillugu allaaserisat tamaasa atuakkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER