Skip to main content

Tarnip pissusaanik ilisimasalittut ilinniarsimasoq angerlarpoq

Paarnaq Rosing Jakobsen Nuummi peroriartorpoq, taannalu tarnip pissusaanik ilisimasalittut Aarhus Universitetimi ilinniarnini naammasseqqammerlugu uterpoq

Meeqqanik Inuusuttuaqqanillu Siunnersuisarfiup, Misip, Paarnaq Rosing Jakobsen psykologitut atorfinitsippaa.

Danmarkimi Aarhus Universitetimi tarnip pissusaanik ilisimasalittut ilinniakkami naammassinerata kingorna angerlarpoq.

Paarnaq Rosing Jakobsenip ilinniakkani martsip 24-anni naammassigamiuk immikkut suliarai kinaassuseq, tarnikkut ajoqusernernik kingunerlutsitsineq, coping – ilaatigut isumaqartoq misigisat sakkortuut kingunerannik inuup nammineerluni ilisimanagu ilisimalluguluunniit aaqqiiniartarnera, Kommuneqarfik Sermersooq tusagassiuutinut nalunaarummi ilisimatitsivoq.

- Suleqatitaakka allat marluk ilagalugit Paamiuni Arsummilu perorsaanermut tarnillu pissuusaanut tunngasunik siunnersuisaq ingerlatussaavarput, tassalu tamanna suliassama siullersassaat. Oqarsinnaavunga sinnattugarisartakkakka maanna piviusunngormata, Kommuneqarfik Sermersooq naapertorlugu taama oqarpoq.

Paarnaq Rosing Jakobsen apriilip aallaqqaataani atorfinitsinneqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER