Tarnip nappaataanut nakorsaq: Tarnikkut sunnertiassuseq hashimit sakkortusarneqarsinnaavoq
Dronning Ingridip Napparsimmavissuani tarnikkut napparsimasunut katsorsaasarfimmi qaqutigoortuunngitsumik naammattoorneqartarput, inuusuttut tarnikkut peruluuteqarlutiksiullerpaamik innartinneqartartut aamma hashimik pujortartartut. Taakkuli pinngitsaalillugit katsorsartissinnaanngilavut, tarnip nappaataanut nakorsaq oqarpoq
- Tarnikkut sanngiitsooreeraanni, taava hashimit sunnerneqarnissaq immikkut qaninnerusarpoq, taava taamaalilluni tarnikkut nappaammik ineriartortitsisoqarsinnaalluni.
Tarnip nappaataanut nakorsaq Francisco Alberdi Olano, Dronning Ingridip Napparsimmavissuani tarnikkut napparsimasunut katsorsaasarfimmi ukiuni tallimani sulisimasoq AG-mut oqarpoq.
AG-p taanna attaveqarfigaa hashimit tarnikkut peruluuteqartut maani qassiunersut paasisaqarfigerusullugit. Maanili napparsimasut marloqiusamik nappaateqartutut nalunaarsimasut pillugit, tassa tarnikkut peruluuteqartut pillugit aamma atornerluinermik ilungersuuteqartut pillugit tatiginartunik nalunaarsugaqarpasinngilaq.
Skizofreneqartut 40 procentii hashimik pujortartartut
Taamaattumik Francisco Alberdi Olanop erseqqissarpaa, oqaatigisani tassaammata Nunatsinni tarnikkut nappaatinut nakorsaanertut nammineq inuttut misigisimasani.
Paasissutaasinnaasunilli nassaassaqarpoq. Francisco Alberdi Olanop nalunaarsukkat, ukiut arlallit matuma siornagut suliarineqarsimasut innersuussutigai. Tassani takuneqarsinnaasutut tarnikkut napparsimasut nappaatigalugu avissimasutut ilisimasut 40 procentii hashimik atornerluisuusut, tamatumunnga nassuiaatigineqarluni taakku sapaatip akunneranut ikinnerpaamik marloriarlutik hashimik pujortartartut. Atornerluineq ingammik inuusunnerusuni atugaasoq, tarnip nappaataanut nakorsap oqaatigaa:
- Inuusunnerpaat, tassa 15-it 30-llu akornanni ukioqartut, tarnikkut perulullutik siullermeerlutik unitsinneqartartut allanit hashimik pujortarnerusarput.
Allaaserisaq tamaat AG-mi uani sapaatip-akunnerani saqqummertumi atuaruk, uani isissutissarsisinnaavutit: