Nuummi GU-mi sioorasaarineq
Tarnimikkut nappaatillit nutaamik aaqqissuusinerup ikiorneqarnerat pitsaanerulersissavaa
Illoqarfiit pingaarnersaanni kommunip innuttaasut napparsimasut nutaamik sullittalissavaat. Suliat GU-mut sioorasaarinertut ittut, tassani pinngitsoortinnissaat neriuutaavoq
Kommuneqarfik Sermersuup apriilimit nutaamik aaqqissuussinermigut tarnimikkut nappaatillit ilaatigut allatut sullittalerniarpaat.
Nuuk TV taama oqaluttuarpoq.
Nuuk TV-mi takuuk: Atugaat pitsaanerulissapput
Tamatumunnga tunngasuni kommunimi pisortap neriuutigaa, sapaatip-akunnerata naanerani kingullermi illoqarfimmi pisup tarnimigut nappaatillip sioorasaarineratut ittut, allannguinissamut pilersaarutaasup ikinnerulersikkumaarai.
- Assigiinngitsumik iliuuseqartoqartartoq isumaqarpunga, uagut soorlu isumaginninnermut siunnersortit innarluutilinnik sullissinerusut katersorniartarpagut, sammisartik ukkannerusinnaassammassuk - aammali sullitamik assinganik suliaqartut suleqatigisinnaaneroqqullugit, Kommuneqarfik Sermersuumi atugarissaarnermut aqutsisoqarfimmi pisortaq, Grethe Nielsen, Nuuk TV-mut oqarpoq.
- Oqaloqateqartarsinnaannerannut ineriartornerannullu pitsaaqutaassasoq isumaqarpunga.
Atuaruk: Sioorasaarisartut psykiatriimit unitsikkuminaatsut
Aallartingajalersoq
Suliffeqarfimmik allanngortitsineq, eqqugaasunit aamma aaqqissuussimanernit piumaneqarsimasoq, qaammatini arlalinni piareersarneqarsimavoq.
Apriilip aallaqqaataani atuutilernissaa pilersaarutaavoq.
Sioorasaarisoq unnerluutigineqartoq pinngitsaalisamik unitsinneqarpoq
Politiit Kongevejimi tigusarinninniarnerannit assit