Skip to main content

Tarnikkut timikkullu innarluuteqartunut isummat pigiliunneqarsimasut assigiinngillat

Tiliup innuttaasut isumaannik misissuititsinerata takutippaa inuit ersinngitsunik innarluutillit pillugit isummat pigiliussimasat annertunerusut. Ersittumik innarluuteqartut innuttaasunit akueriuminartinneqarnerupput.

- Kalaallit Nunaanni inunnut innarluutilinnut pigiliutiinnakkatsinnik isummerfiginnittarpugut. Tamatumuuna nunanut amerlanersaannut sanilliuffigisartakkatsinnit allaanerunngilagut.

Tiliup innuttaasut isumaannik misissuineranit nalunaarusiaq "Innarluuteqarnermut isummat"-ni angusat pingaarnerit taama aallaqqaateqarput. Misissuineq HS Analysemit suliarineqarpoq, Tilioq suliakkiisuulluni.

Tiliup nalunaarusiaq Nuummi marlunngornermi saqqummiuppaa.

Innuttaasut isumaannik misissuinermi innuttaasut katillugit 996-it peqataasimapput, oqarasuaatikkut apersorneqarsimallutik. Taakku affaasa missaat isumaqarput innarluuteqartumik ilaqutaqarlutik.

Isummat pigilutiinnakkat assigiinngillat

Misissuineq tassunga tunngasoq siullersaavoq. Tilioq ilisimatitsivoq misissuinerit malitseqartariaqartut.

Misissuinerup takutippaa innuttaasut inunnut innarluutilinnut ajunngitsumik isummertartut. innarluutigineqartoq takujuminaraangat. Isummernerli allarluinnaasinnaasarpoq inuk ersinngitsumik innarluuteqarpat:

- Tarnikkut innarluuteqarneq innuttaasunit akuersaarneqannginneruvoq, allassimavoq.

Innersuussutit

Nuna tamakkerlugu innuttaasut isumaannik misissuinerup takutippaa innuttaasut 61 procentii isumaqartut inuit innarluutillit pillugit pigiliutiinnakkanik isumaqartoqartoq, innuttaasullu 12 procentii isumaqanngitsut inunnut innarluutilinnut tunngatillugu pigiliutiinnakkanik isumaqartoqartartoq.

Tiliup innersuussutaasa ilaat tassaavoq politikerit suliami salliusariaqartut, inatsimmillu suliaqarlutik kinaassusersiornissamik inerteqquteqalersitsisumik, innarluuteqarneq tunngavigalugu kinaassusersiorneq inatsisinut naapertuukkunnaarsillugu.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER