Tunu

Tapiissutit amigartoorutinut matussutaasut

Destination Eastgreenlandimik kukkunersiuisut misissuinerisa takutippaat aningaasat kiffartuussinissamik isumaqatigiissummeersut inatsisinik unioqqutitsilluni amigartoornermut atorneqarsinasinnaasut. Eastgreenlandip taamaannginnerarpaa

Takornariaqarnermik suliaqartup Destination Eastgreenlandip kiffartuussinissamik isumaqatigiissutaata akilerneranut atatillugu Kommuneqarfik Sermersooq sukumiinerusumik uppernarsaasiisoqarnissaannik piumasaqarpoq.

Tamanna pivoq kukkunersiuinerup Deloittemik ingerlanneqartup takutimmagu Destination Eastgreenlandip amigartoorneq matussuserniarlugu 100.000 aamma 400.000 koruunit akornanniittut atorsimagai.

Misissuineq
Tamanna decembarimi Kommuneqarfik Sermersuumi kommunalbestyrelsenimi ataatsimiinner- mi atortussani takuneqarsinnaavoq.

Misissuineq marsimi 2015-imi Kommuneqarfik Sermersuumit aallartinneqartoq nalinginnaasuuvoq arlaannaannulluunniillu attuumassuteqarani, paasineqarporlu maleruagassat avaqqullugit kommunip aningaasaliissutaannik atuisoqarsimasoq.

Aningaasalli amerlassusaat eqqarsaatigalugit utertinninniarneqarnissaat akilersinnaassanngilaq, suliarinerani aningaasartuutit taamatukanneq annertutigissammata.

Allaaserineqartoq AG-mi atuarneqarsinnaavoq. Aviisi ataani pisiariuk:

Powered by Labrador CMS