Skip to main content

Tapiiffigineqarnissamut inatsisip putui milissorneqassapput

Piniutinik annaasaqarnermi ingerlariaqqinnissamut tapiiffigineqarnissamut qinnuteqartarfik atornerlunniarneqartarsimasoq atornerlunneqarsinnaasorlu aalisartut piniartullu peqatigiiffiiniit oqaatigineqarpoq. Inatsillu sukateriffigineqassasoq Aalisarnermut Piniarnermut Nunalerinermullu Pisortaqarfimmiit oqaatigineqarpoq

Inussutissarsiutigalugu aalisartut piniartullu kiisalu savaatillit inuussutissarsiornermut atatillugu atortunik annaasaqarsimagunik, ingerlariaqqinnissamut tapiiffigineqarnissamik Aalisarnermut Piniarnermullu Naalakkersuisoqarfimmut qinnuteqarsinnaapput, periarfissarlu tamanna atorluarneqaleriartorpoq. 

Sermitsiaq allappoq.

Qinnuteqartoq minnerpaamik 2.000 kruuninik annerpaamillu 25.000 kruuninik tapiiffigineqarsinnaavoq, immikkulli ittumik pisoqarsimatillugu 25.000 kruuniniik annerusumik tapiisoqarsinnaavoq. Aningaasat ukiumut 2 millioner kruunit tapiissutissatut Aningaasanut Inatsimmi immikkoortinneqartartut, ukiut tamaasa nungullugit atorneqartarput. 

Periarfissarlu inuit ilaannit iluaqutigineqarluni atorneqartartoq, ilaasa atornerlunniartarsimagaat aammali inatsit taamatut isikkoqartillugu atornerlunniarneqarsinnaasoq, aalisartut piniartullu peqatigiiffiiniit oqaatigineqarpoq. Tamannalu pinngitsoortinniarlugu inatsit pineqartoq Inatsisartut inatsisaat 2004-meertoq sukateriffigineqartussanngortoq, Aalisarnermut Piniarnermullu Naalakkersuisoqarfimmi immikkoortortami pisortaq, Pollas Lyberth oqarpoq.

Allaaserineqartoq aviisimi Sermitsiami tamakkiisumik atuaruk. Aviisi uani pisiarineqarsinnaavoq:
 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER