Tanbreez: Ukiup affaata iluani piiaanissamut akuersissummik tunineqarsinnaavoq
Kingulliit inissinneqassappata, taava Killavaat Alannguanni suliniut ukiup massuma ingerlanerani akuerineqarsinnaavoq.
Sapaatip-akunnerata aallartinnerani aatsitassanut naalakkersuisoqarfiup nalunarutigaa, Killavaat Alannguat pillugu oqaloqatigiinneq ingerlalluartoq. Tanbreezip ukioq manna aatsitassarsiorfimmut aatsitassanik qaqutigoortoqarfiusumi akuersissuteqalersinnaaneranik, tamanna isumaqarpoq.
Aviisi Sermitsiaq taama allaaserisaqarpoq.
Ingerlatseqatigiiffiulli avatangiisinut naliliineq (ASN) aamma inuiaqatigiinnut sunniutaanik misissuineq (VSB) tusarniaassutiginnginnerini kinguulliit iluarseqqaartariaqarpaat.
– Arsaq maanna Tanbreezimiippoq. Aatsitassanut inatsit malillugu sulivugut aammalu akuersissummik tunniussisoqarnissaa pitinnagu suliniummi immikkuualuttut tamarmik inissereersimasariaqarput. Taamaattorli tunngaviusumik ingerlatseqatigiiffillu attaveqaqatigiinnerput pitsaavoq siunissamullu sammisuulluni. Ajornartorsiutaasutut uniffigisavut pillugit naammaginartumik nassuiaammik tunineqarsinnaagutta, aammalu minnerunngitsumik aatsitassanut inatsit malillugu piumasaqaatit naammassineqarsinnaappata, Tanbreez ukiup affaata iluani piiaanissamut akuersissummik tamakkiisumik tunineqarsinnaavoq, aatsitassanut naalakkersuisoqarfimmi pisortaq Jørgen Hammeken-Holm oqarpoq.
Kujataani aatsitassarsiorfimmut nutaamut naatsorsuutit pillugit aviisimi Sermitsiami paasisaqarnerusinnaavutit: