Tanbreezip Amerikamiut aningaasaliisussat Qaqortumi ataatsimeeqatigigai

Kujataani Tanbreezip pilersaarutaa ingerlateqqinniarlugupisortaq Greg Barnes Nunatsinnukaqqippoq. Pilersaarutsiorna piiaasinnaanermut akuersissuteqarfigineqarpoq,aningaasaliisussalli suli inissinneqaratik.

Australiami aatsitassarsiortitseqatigiiffiup Tanbreezip pisortaa Greg Barnes, Nunatsinnut tikeqqammerpoq, soqutiginnittunik assigiinngitsunik ataatsimeeqateqassalluni, taakkununnga ilaallutik Ameri­kamiut aningaasaliisinnaasutut piukkunnaatillit arlallit.

Aviisi Sermitsiaq taamatut allappoq:

– Australiamit aallarsinnaanissannut kiisami akuerineqarama, piffissamilu aggersumi Kalaallit Nunaanniinnissara qilanaaraara, Greg Barnes Sermitsiamut oqarpoq.

Pilersaarutit naapertorlugit Greg Barnes siullermik Kujataaneeqaassaaq, kingornalu Nuummukaruni piffissami sivisunerusumi Nuummiissalluni.

Oqaluttuaq tamaat aviisimi Sermitsiami kingullermik saqqummiuneqartumi paasisaqarfiginerusinnaavat, aviisi ugguuna iserfigisinnaavat:

Powered by Labrador CMS