Skip to main content

Tanbreez uranimik ujaasiniarpoq

Killivaat Alannguanni Tanbreez-ip aatsitassanik qaqutigoortunik ´akoqanngitsunik´ suliniutaa, atortussiassanik radiop qinngornerinik ulorianartunik akulinnik ujaasinissaminut Namminersorlutik Oqartussanut qinnuteqarpoq. Tamatumunnga pissutaavoq akuersissuteqarfimmi uranimik nassaartoqarsimanera. Avataq isornartoqartitsisorujussuuvoq.

Kuannersuarni Greenland Minerals and Energy selskabimik Kujataani uranimik ujaasisumik allamik ilaqalerpoq.

Tamatumunnga pissutaavoq Tanbreez, manna tikillugu aatsitassanik qaqutigoortunik marlunnik ´akoqanngitsunik´ ujaasisutut nittarsaanneqarsimasoq, Qaqortumit ungasinngitsumi Killavaat Alannguanni akuersissuteqarfimmini uranimik nassaarsimanera.

Selskabip siunnersortaa Kuupik Kleist, naalakkersuisunut aammalu uranimut akerliusumut IA-mut siulittaasuusimasoq, naapertorlugu pilersaarutaagunanngilaq aatsitassap assortuussutaasup piiarneqarnissaa. Akerlianilli Tanbreez-ip pinngitsoorniarpaa allat uranimik ujaasinissaminnut akuersissummik qinnuteqarniarniassaat.

– Tamatumunnga pissutaavoq akuersissuteqarfitsinni, aatsitassanik qaqutigoortunik ujaasiffiginiakkatsinni, uraneqarnera paasineqarsimammat. Aatsitassanullu inatsisitsinni, paasinninnermut malillugu, sumiiffinnik immikkoortitsisoqanngimmat imaaratarsinnaavoq allat - taamatuttaarlu ilimasaarisoqareersimavoq - Tanbreez-ip akuersissuteqarfiani uranimik ujaasinissaminnut akuersissummik qinnuteqarniartut. Tamanna pinngitsoorniarlugu Tanbreez uranimut pisinnaatitaaffimmik qinnuteqarpoq, Kuupik Kleist oqarpoq.

– Aatsitassarsioqatigiiffiit marluk sumiiffimmi ataatsimi aatsitassanik assigiinngitsunik atuiniarpata ajornartorsiuterujussuarnik takkuttoqarsinnaavoq. Sumiifiup tamassuma qulakkeernissaa piinnavillugu Tanbreez qinnuteqarpoq, Kuupik Kleist oqarpoq.

AG-mi sapaatip akunnerani saqqummersumi annertunerusumik atuarit, taanna ataani pisiarisinnaavat.

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER