se billeder
Tamassa-p siunissaa qulakkeerpoq
Tamassa-p Aalborgimiittup nalornginartunik atugaqareerluni, aningaasaliissutaasartut nalornginartarneri pillugit, maanna toqqissisimasumik siunissami iliuusissat pilersaarusiorsinnaalerpai
Aallartikkami ateqarpoq Perput Slotsgademi, Aalborgimi eqqaanilu kalaallit isermaartarfiat, assullu ataavartarnissaa nalornginartarnikuulluni. Maanna ateqalerpoq Tamassa aningaasarsiutissallu inatsisaanni ataavartumik aningaasaliifffigineqartalernerup kinguneraa Aalborgimi Kalaallit Illuata manna Ågade 9-mi katillugit 350 m² attartulermagit.
Kingorna Tamassa isermaartarfimmiit kikkut Kalaallit Nunaanut tunngassuteqartut katersuuttarfissaattut ineriartornikuuvoq, soorlu assigiinngitsutigut ilinniarfissatut, oqaloqatigiilluni peqqissarfissatut, inuiaqatigiinni akuliulluarnerulernissamut iliuutissanut, oqalugiarfissatut, illulu qimallugu takornariartarnissat pilersaarutit ilagaat oqarpoq Stine Nicolaisen Tamassami suleqataasoq, Stine maana toqqissisimanarnerumik ukioq ataasiakkaaginnarnagu atorfeqalerpoq.
Ågademi inissiaatitaat ulluinnarni atornerisa saniasigut aamma allanut Kalaallit Nunaannut tunngasunik sammisarqartunit, Nordjyllandimi peqatigiiffiit, ilinniagaqartut kattuffiat Avalak, Aalborg allallu Aalborgip qeqqani taamatut ininik pisariaqartitsinnaasut.
Sapaatip akunnerata kingulliup ingerlanerani Slotsgademit nutsernermi atuisartut nuannaaqalutik qilanaaqalutillu initaanik aaqqissueqataapput.
TAMASSA Ågade 9-miittoq busseqarfimmiit qimuttuitsoqafimiillu minutsit marluinnaat pingasulluunniit ingerlanerini pisuinnarluni tikitassaavoq.