KNR
Tamassa nutaanngorlugu
KNR TV-p talkshow-ia ´Tamassa´ ataasinngorpat septembarip 9-anni aallartippat studia ingerlatsisualu nutaajussapput
´Tamassa´-mi ingerlatsisuusimasoq Hans Jukku Noahsen allamik atorfittaarsimavoq. Taassuma taartigissavaa tusagassiortutut naammasseqqammersoq Per Andersen.
Aallakaatitassiaq maanna Nuummi Issortarfimmi KNR-p inini attartugaani immiunneqartalissaaq, kulturip illorsuani Katuarmi immiunneqartarunnaarluni.
Ingerlatsisorli studialu allanngormata najoqqutassaq allanngussanngilaq.
– Tamassa-mi suli sammineqartassapput aliikkusersuineq, paasisitsineq, oqallinneq nalunaarutillu isumassarsiornartut, Tamassa-mi aaqqissuisoq Heidi Møller nalunaarpoq.
Per Andersenip ingerlatsisoqatigissavaa Arnannguaq Lyberth, taannalu aallakaatitassiami ingerlatsisooreerpoq.