Tamaasa ataatsimut isigalugit: Inerteqqutit ima sivisutigisumik atuutissapput

Tuniluuttumik nappaalanersuaqarneranut ataatsimiititaliarsuq Namminersorlutillu Oqartussat coronavirusip aqunneqarsinnaanngitsumik siaruaannissaa pinngitsoortinniarlugu arlalinnik killersuillutillu inerteqquteqarput. Inerteqqutigineqartut assigiinngitsut tamaasa uani takukkit

Innuttaasut eqqumaffigineqassaaq, immikkut inerteqquteqarlunilu suliniuteqarmat Nuummiinnaq atuutsinneqartunik, suliniutillu allat nunap sinneranit atuutsinneqarlutik. Aamma nunamut tamarmut atuuttumik angalaqqusisoqanngilaq.

Nunamut tamarmut atuuttut

Inerteqqutit uku apriilip arfineq-pingajuata tungaanut atuupput:

Timmisartoqqusinnginneq:

Air Greenlandip ilaasunik Kalaallit Nunaannut, Kalaallit Nunaannit nunamilu angallassineri tamamik unitsinneqarput.

Maannamut atuuttut

Illoqarfinnut nunaqarfinnullu tikeraaqqusinnginneq:

Innersuussutigineqarpoq illoqarfigisami nunaqarfigisamiluunniit angerlarsimaannarnissaq, soorlu illoqarfinnut nunaqarfinnulluunniit allanut aalisakkanik pisariaqavissumik tunisiartornianngikkaanni.

Nuummut atuuttut

Inerteqqutit apriilip arfineq-pingajuata tungaanut atuuttut:

Katersuuteqqusaannginneq

Inunnit qulinit amerlanerusunik peqataaffigineqartussamik aaqqissuussinissat sammisaqartitsinissallu inerteqqutaapput. Pisiniarfiit, suliffeqarfiit ataatsimoortumillu angallassisartut kisiisa minillugit.

Pisiniarfiit il.il.

Natklubbit, diskotikkit, imerniartarfiit neriniartarfiillu matoqqapput.

Nuuk Center matuneqarpoq. Pisiffik Matasilu pisinianut allakkut isertarfillit ammatiinnarneqarput.

Inunnik passussisarfiit kiffartuussiviillu, immikkut ukunannga suliaqartartut: kakiuineq, timimik pinnersaaneq, timigissaaneq, tagiartuisarneq, seqinerfigititarneq nujalerisarfiillu matoqqapput.

Namminersortutut nakorsiartarfiit, soorlu tagiartuisartut kigutillu narkosaat, peqqinnissatigut sulisussat akuerisaasimasut sulisulluunniit Danmarkimi suliarinnikkasuartarnermut tunngatillugit malittarisassanik malinninissaat inassutigineqarpoq.

Apriilip 15-iani nalunaaqutaq qulit tungaanut atuuttussaq.

Imigassamik tuniniaaqqusaajunnaarneq

Imigassamik 2,25 procent angullugu sinnerluguluunniit aalakoornartortalimmik tuniniaanissamut sassaallernissamullu inerteqqut Nuummut, Kapisilinnut Qeqertarsuatsiaanullu atuuppoq.

Nuup avataanut - nunap sinneranut atuuttoq

Maannamut atuukkallartoq

Katersuuttarnerit

Inuit 100-nik amerlanerusut katersuuttannginnissaat maannamut piumasaqaataavoq. Aamma sakkortuumik inassutigineqarpoq, illuni kikkut tamarmik iserfigisinnaasaanni inuit aalajangersimasumik amerlassusillit isersimaffigisinnaasaattut qatserisartutut oqartussat akuerisimasaanni, isersimasinnaasut affaat sinnerlugit isersimasoqannginnissaa.

Powered by Labrador CMS