Oqaluttuatsialak

Tallimariarluni toqusoortoq, panissaarluni nasartaarlunilu

Maaliaaraq Engell qaniginerpaasami akornanni tallimat toqunerannik, panissaarnermik ilinniarnertuunngorniarfimmilu ilinniarnermini ukiumi kingullermi agguaqatigiissillugu angusat qaffasinnerpaartaata tulliinik misigisaqarpoq

Assi Filip Gieldamit Inuuteq Kriegelimiillu assilineqarpoq - saqqummersitamit '13'-meersuulluni

Nuummi upernaajuvoq. Nuutoqqami naatsiivimmi arnaq inuusuttoq innangavoq. Nukini tamaasa atorlugit nillerpoq. Isai aliasunnermik ulikkaarput. Timini aalaterujussuarmagu atortunik aserortoqarpoq. Kamassimavoq, kipiluttulluni tamanillu annermik inuunerup naapertuilluanngissusianik tarnini tikivillugu misigisimalluni. Arnaq tassaavoq Maaliaaraq Engell minutsillu arlaqanngitsut tamanna sioqqullugu ajaa asasani bussinit aporneqarluni ajunaarsimavoq. Ukiup kingulliup ataatsip ingerlanerani ilaquttat inuulluaqqusariaqarsimasaasa taanna tallimassaraat.

- Babsi (ajaa) ulluni arfiniliinnarni nunatsinniissimavoq. Anaanagalu toqusunik ilisaqartarfimmut kinaassusersiniarlugu iseratta nakorsap aperaanga: Inummik toqungasumik takoreersimavi? Ippassaani, akivara.

- Akkamma Asallu (aqqaluaata ikinngutaata, aaqq.) assatik paarlassimagaat attorakkillu nillernerat eqqaamalluarnerpaavara. Ajannulli atatillugu taamatut inissisimanissaa piareersimaffiginngilluinnarsimavara. Toqusimanissaa piareersimaffiginngilluinnarpara. Attorakku suli kissalaarpoq, aalaterigalu silattuaqivunga. Taava uissanngulerpunga anersaartorniarlungalu anisariaqalerlunga, Maaliaaraq attortissimaqaluni oqaluttuarpoq nangillunilu:

- Ulloq taanna siusinnerusukkut GU-mi oqaluttariarsornermi inaarutaasumik siullermeerlunga misilitsippunga, 12-millu karakterilerneqarlunga. Angerlarama ajaga siullersaalluni qanoq ingerlasimaninnik aperaaq –tulluusimaarutigisorujussuuaanga. Tassani naggammik oqaloqatigiippugut.

Maaliaaqqap oqaluttuassartaa tupinnartoq isumassarsinartorlu Arnanut nutaami maanna pisiassaalersumi atuaruk - aviisi ataani aamma pisiarineqarsinnaavoq:

Powered by Labrador CMS