Talittarfimmi siulersuisut akissarsiaat katillugit 525.000 koruuninut qaffanneqarsimasut

Sikuki Nuuk Harbourimi siulersuisut apriilimi nalinginnaasumik ataatsimeersuarnerminni siulersuisuni akissarsianik katillugit 525.000 koruuninik ikilisaaffigineqarput. Maannali paasinarsivoq siulersuisut akissarsiaat qaffanneqaqqissimasut.

Immikkut ittumik qaffaaneq

Nuummi talittarfissap sanaartorneqarneranut atatillugu Sikukimi siulersuisut ukiuni pingasuni akissarsiaqarnerutinneqarsimapput, sanaartornermi suliassaqarneruneq pissutigalugu.

Umiarsualivimmi siulersuisut akissarsiakinnerulersut

Akissarsiat apriilimi ikilisinneqarnerani nassuiaatigineqarpoq ukiup siuliani ilimasaarutigineqareersimammat, akissarsianillu appaaneq, suliassakinnerulernermik tunngavilersorneqarpoq. Talittarfimmi sanaartorlugu naammassereerpoq, suliffeqarfillu nalinginnaasumik ingerlalerluni.

Broberg tunngavilersueqqusivoq

Talittarfiutileqatigiiffiulli siulersuisuini ilaasortat akissarsiaat qaffanneqaqqissimammata, Partii Naleqqami politikeri Pele Broberg tupigusuppoq, nassuiaammillu amigaateqarluni.

- Ataatsimeersuartoqaqqissimavoq 350.000 koruunimut (siulersuisut siulittaasuata akissarsiaat, aaqq.) qaffanneqarsimappat, naak imaqarniliamik nittartakkatigut nassaassaasoqanngilaq, Pele Broberg tusagassiutinut nalunaarummini allappoq.

Siulersuisut akissarsiaat taassuma eqqumiigai.

- Qanoq isilluni ingerlatsivik 43,3 millioner koruuninik (2017) kaaviaartitalik, Naalakkersuisut aasit politikkertik unioqqutillugu immikkut ittumik siulersuisunut akissarsiarititaasut qaffatsinneqassappat. Allaat KNI A/S 2428 millioner koruuninik kaaviaartitalik (2017/18) sineriak tamaat suliffeqarfiliup siulersuisa akissarsiaat assigaa , Pele Broberg apeqqusiivoq.

Isumaqatigiissitsiniarneq

Talittarfiliuteqatigiiffiutilik talittarfiliornerup nalaani aaqqiagiinnginnermik ataatsimik suliassaqarpoq: Isumaqatigiissitsiniarnermik suliassaq, Per Aarsleff Grønland peqatigalugu. Per Aarsleff Grønland talittarfiup sanaartorneqarnerani piffissamik sivittuinissamik akiliinerunissamillu piumasaqarsimavoq.

Sikuki Nuuk Harbourip piumasaqaat itigartitsissutigaa, suliarlu isumaqatigiissitsiniarnikkut aalajangerneqassasoq naatsorsuutigineqarpoq.

Suliaq taanna siulersuisunut ima oqimaassimatiginersoq, allaat siulersuisut akissarsiaat qaffanneqaqqittariaqarlutik, Sermitsiaq.AG-mut uppernarsarneqanngilaq nassuiarneqaranilu.

Siulersuisut ima akissarsiaqartinneqarput

Talittarfiliutileqatigiiffiup siulersuisuni siulittaasuata nalinginnaasumik ataatsimeersuartoqareernerata kingorna, akissarsiai 150.000 koruuninit 350.000 koruuninut qaffanneqarput. Siulittaasup tulliata akissarsiai 75.000 koruuniniit 175.000 koruuninut qaffanneqarput, ilaasortallu akissarsiaat 50.000 koruuniniit 125.000 koruuninut qaffanneqarlutik. Qaffaaneq katillugu 525.000 koruuniuvoq.

Nutaarsiassat

Tasiilami anorersuarnissaanik aarlerisaarut

DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...

Snow Fest-imi iluatsilluartumi nutaaliorsinnaaneq nuannaarutigineqarpoq

Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...