Politik
Talerperliuniat atisaajartut
2017 Kalaallit Nunaanni talerperliunianut ukiuusimassaaq sussaanngitsoq. Inatsisartuni Atassut Demokraatilluilaasortanut pingasunut mattarneqarput – Inatsisartullu ataatsimiittarfiata avataani perulluliorneq ingerlaannarluni
Ulluni makkunani Kalaallit Nunaanni qinersisartut talerperliuniat arlalissuit angerlarsimaffeqanngillat.
Inissaqalertoq
Taama naalakkersuinikkut naliliisartoq Sten Lund naliliivoq, siulittuutigaalu partiimik nutaamik pilersitsinissamut maanna inissaqalersoq.
- Naalakkersuinikkut assiliaq isoriappoq. Partiit immikkoortikkuminaapput, isumaqarpungalu talerperliuniat ilaat inissiffissaaruttut, oqarpoq.
Ukioq sussaanngitsoq
Ukiup sussaanngitsup kingornagut – perulluliortoqarlunilu qimarrattoqareersoq talerperliuniat aatsaat taamak atugarliortigilerput. Ajornerpaaffissaminut pivoq septembarimi Michael Rosing Demokraatinit animmat taamaalillunilu Inatsisartuni talerperliuniat pingasuinnarnik ilaasortaqalerlutik.
Tamanna sioqqullugu Atassutikkormiut Knud Kristiansen aamma Mala Høy Kúko Siumumut nuussimapput.
Allaaserisaq AG aviisimi tamakkerlugu atuaruk. Aviisi uani pisiarisinnaavat: