Talerminnermi Suulut Danmarkimi pissartanngorpoq

Danmarkimi pissartanngorniunneq Ballerupimi ingerlanneqarpoq arfininngormat

33-nik ukiulik Suulut Geisler Ilulissaneersoq talerminnermi Danmarkimi pissartanngorpoq. Oqimaaqatini kiisalu peqataasut tamarmik unammineranni pissartanngorluni.

Suulut Geisler talerpimminik saamimminillu kuultinnappoq, unammersuaarnermi peqataasut tamarmik unammisinneqarneranni aamma ajugaalluni, taamaasilluni marlunnik qiterutinik pinnalluni.

Danmarkimi Ballerup Hallen arfininngormat pissartanngorniuttoqarpoq.

- Maskinmesteritut atuarnera naammassiartorlugu Danmarkimiinninni unammersuaarnermi peqataavunga. DM-ertoqartussaasoq ilisimareerpara, taamaattumik peqataanissara piareersimaffigalugu. Ajoqquseqqalaarnikuugaluarlunga qujanartumik angusarissaarpunga, Suulut Geisler Sermitsiaq.AG-mut oqarpoq. Taassuma ilinniarnerminut atatillugu naammissinerminut allagartaq januaarimi tiguaa.

Danmarkimi pissartanngornerminut atatillugu nunanut allanut unammiartornissamut ammaassisoq oqaatigaa.

- Nunani allani unamminissamut taamatut angusaqareerluni piumassusininnarpoq. EM-imi VM-imilu peqataarusunnersunga aperineqarpunga - neriuppunga taakku arlaat ukioq manna peqataaffigisinnaassallugu, Suulut Geisler oqarpoq.

Powered by Labrador CMS